＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
一年前o係到嘈左佢一餐勁，一年後o既今日就再一次同佢相約o係呢到再會～！！
中間有成八個月時間冇見過面，而且呢段時間仲有好多事o係我地之間發生～！！

事隔一段時間冇見面o既我地，今日下午就約左去粉嶺食lunch兼傾下計嚕～！！
上午時間我就先要出去葵芳拎車，及後先再搭車入去粉嶺搵『愛人』囉～！！

今次會面o既感覺總體比我原先預計中好，事因我之前好擔心大家會尷尬～！！
不過今日呢轉會面中o既感覺似返兩前年，因為我地主要都用鬥氣形式對話～！！
諗返起兩年前日對夜對o既感覺，估唔到今時今日要搞到咁耐先見到一次嚕～？！

佢一見到我首先就用返一個無賴樣講野，及後就向我提出一連串o既問題囉～？！
首先佢就問我點解我個頭會染左色，又問我點解無啦啦走去改變個形象喎～？！
而我就梗係一如以往咁耍佢一輪，講到底我都係叫做冇俾到一個確實答案佢～！！

及後我地就改為講下自己o既近況，不過齋講CPH呢邊都已經講左一半時間～！！
至於o係講完CPH呢部份之後，我地當然就轉為講下PYH呢邊o既事及佢近況～！！
佢早前都話過因為部門要轉system而要成日加班，所以佢差唔多冇咩點抖過喎～？！

但係我又o係Facebook到見到佢有好多活動，所以我就梗係藉機抽水同問下啦～？！
而佢俾我o既解釋咪又係話，佢主要都只係出席朋友或同事o既生日飯局嚕～？！
至於其他大部份都係返工同留家，而留家時間又只係沈迷於打機o既狀態喎～！！

就住呢八個月時間o既事宜，先後向佢一一咁提問及觀察下佢o既反應啦～？！
自上年四月吵過佢一轉之後，我之後就已經有一段時間冇再去過問佢o既事～？！
雖然中段都叫做有Whatsapp去講下野，但係相處o既情況就始終大不如前啦～！！

講返起呢八個月o既事o既時候，我當然要一一同佢翻下筆舊帳兼追返條數～？！
至於佢就梗係想我講完就算，無奈我o既性格就係唔會輕易放過ｄ冇信用o既人～！！

而o係講到約期見面呢部份，我估唔到佢竟然早就做定計劃兼趁今次同我夾埋～！！
佢話日後係會維持返Monthly Meeting呢樣野，所以每次見面就會約定下次個期～！！
而且佢今次仲主動問我下次想去邊，再者佢仲承諾下次出去之時會送部車俾我～！！

就住下轉會面想去邊呢個話題，我突然醒起佢花都間屋兼我送俾佢個o個四部車～？！
佢話o個四架車就仍然擺左o係佢花都間屋，而佢亦都有間中為佢地抹下身咁喎～！！
同時我又提到話不如搵次上佢景盛屋企食飯，但點知佢好快就一口應承左我喎～？！

我眼前呢堆突然性o既一連串舉動，忽然間令我覺得我地好似返左去兩年前咁～？！
回想返我地初相識冇耐o既時候，佢都係會同樣主動咁答應左我一大堆承諾嚕～！！
到底佢真係仲有得救定係呢一切又只係暫時性，而佢又係咪講得出又做得到呢～？！

我地宜家已經叫做分隔東西兩邊，所以要維持落去就真係要雙方都有心先做到～！！
而佢今轉繼續用返從前嬉皮笑臉o既手法對我，而且仲話呢種態度只限於對住我～！！
我地除左一貫鬥氣呢個相處模式之外，似乎粗口模式都仍然係我地o既習慣喎～？！

佢一再問及我做咩冇見一排，我比起以前改變左唔多同埋好多野都唔同晒嚕～？！
而我俾佢o既答覆當然就係話，正正就係因為對象係呢種人所以我先要配合返佢～！！

回想返起從前由認識到相識，當中經歷過o既事都的確係有唔少兼且有難忘o既～！！
而佢就話我地從前o既合作就係了解o既開始，而且呢個仲係我地發展o既契機～！！

及後當我地講到生活話題o既時候，我地亦都有提及到以前發生過o既事啦～？！
其中之一當然就係佢單疑似叫雞事件，呢部份o既對話就涉及到信用問題喇～！！

由我認識佢到宜家都仲係有一個問題未解決，而呢個問題就係我成日唔信佢～？！
睇返以前種種o既事宜的確好難說服我，所以我就再重申一次佢要有好表現至得～！！
同時o係呢個討論o既時間內，佢一度暗示話佢有就住我上年吵佢一事去反省過～！！

至於轉到去傾感情事呢方面之時，佢就提出〝男人唔壞，女人唔愛〞呢個論點～！！
講到尾佢都係想話自己暫時仲係單身，但同時佢又話自己其實係一個好男人嚕～！！
不過我就梗係唔會俾佢贏得我咁盡，所以我就梗係搵位入下佢兼抽下佢水啦～！！

生活係每個人都要面對o既問題，而佢同我都面對住好多唔同o既壓力及煩惱～！！
特別係當我地講到工作及經濟o既時候，突然間我地就變到好有一致性o既諗法～！！

工作方面成日都有好多野做兼要加班，至於生活方面佢就提出想買多層樓啦～！！
雖然我都知道佢宜家o既經濟環境算係幾好，但如果宜家買樓的確又係一個負擔～！！
而o係講到買樓呢個大計劃o既時候，佢當然亦有就住金錢方面同我傾下啦～！！
經濟方面當然係首要考慮問題，不過係呢個話題之上我就梗係不忘要抽水啦～！？

事因早段講到工作o既話題方面，佢就提及到佢宜家個新上司好鍾意乜都搵佢～？！
一個年紀有返咁上下但又未婚o既女人，除左係麻煩之外仲可能係個富婆呢～？！
於是我就同佢講可能呢個係個好機會，或者佢可以考慮下轉行去食軟飯囉～！！
而佢就竟然回應我話雖然食軟飯係佢o既志願，不過某ｄ軟飯可能會啃死佢喎～！？

眼前好多問題去到宜家雖則都仲未解決到，不過我地都分別有計劃會去旅行啦～！！
而當講到旅行及睇演唱會計劃等問題，我梗係又係時候要同佢算返筆舊帳啦～！！
因為以上兩點都係佢曾經應承過我o既野，但佢至今就並冇兌現過其有關承諾～？！

從前始終都係從前，宜家首要解決o既事當然就係佢需要開始清還佢o既債項啦～！！
當我地提及到以前好多對話之時，佢就話我咁耐之前o既事都記得兼讚我好記性～！！
所以我就再一次同佢講，佢承諾過我o既任何一野樣野我都係有晒記錄兼記得嚕～！！

至於今日呢一轉o既會面，的確令我有一種返左去一年前成日鬥氣o既感覺及時間～！！
雖然我唔知道呢種情景仲可以維持幾耐，但我仍然希望日後真係可以繼續係咁～！！
抱擁這分鐘

忘記了世界這分鐘　跌進了這愛的裂縫
燃亮燭光　祗管相擁
來佔據了這晚星空　捉緊一剎那的認同
如夢的將來　儘管一點不懂

完全明白是放縱　但是祗得這刻可相信
未來又怕會　終於都撲空
你叫我最快樂　你也叫我最心痛　愛在迷惘中
你叫我最渴望　卻也叫我猜不中　誰可以這樣折衷

曾與你愛過卻匆匆　過去己有太多類同
誰在心中　怎猜得準
能跌進這晚愛光中　彷彿一切已經共同
仍是不敢祈求　熱戀多一分鐘

完全明白是放縱　但是祗得這刻可相信
未來又怕會　終於都撲空
你叫我最快樂　你也叫我最心痛　愛在迷惘中
你叫我最渴望　卻也叫我猜不中　誰可以這樣折衷

要說永遠愛吧卻怕仍然未相信　永未能看通
要說這晚算吧　卻覺愛己經失控　寧願再繼續抱擁

完全明白是放縱　但是祗得這刻可相信
未來又怕會　終於都撲空
你叫我最快樂　你也叫我最心痛　愛在迷惘中
你叫我最渴望　卻也叫我猜不中　誰可以這樣折衷

要說永遠愛吧卻怕仍然未相信　永未能看通
要說這晚算吧　卻覺愛己經失控　寧願再繼續抱擁
Oh 相擁 心痛