＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

距離表哥結婚大約仲有兩個月時間，而今晚就係兄弟幫首次會面～！！
由於好多野都係要事先夾定，所以今晚就特登約齊人出o黎傾一次～！！

收工之後就要趕出去旺角，會合左大家之後就齊齊上去打邊爐啦～！！
而o係未正式傾當日流程之前，我地首先就梗係八下個婚禮概況啦～！！
及後當然就係問下主角有結婚相睇未，搞左一大輪之後先開始夾野啦～！！

我地邊食邊吹水邊傾流程，而我今晚就得知o黎緊將會有一個拍檔啦～！！
事因我當日好多野需要去跟，所以我早前就同表哥講話想搵多個人做司儀～！！
點知今晚聚會之時就真係俾左個人我，至於我地就真係要搵個時間夾下喇～！！

由於我到時仲要做伴朗兼監製，所以今次分工就唔會有太多其他野俾我～？！
其實今次o既兄弟幫班底都係識得，照計我地都應該幾夾到同埋玩得下～！！

至於已經一段時間冇見過面o既秘書，佢今次亦都o係兄弟幫班底之列啦～！！
正因為家族已經好耐冇活動搞過，連帶我同佢o既會面都相對減少左啦～！！
但o黎緊月尾Phoebe個生日飯局活動，我今晚都有同佢提及兼叫佢到場啦～！！

兄弟幫班底夾好晒個流程之後，當然就由司儀同男主角傾下當晚想我地點做～？！
因為我地當晚講ｄ同埋點樣再去改下份稿，重點就梗係睇兩位主角o架啦～？！
至於呢個問題方面共識應該唔難有，所以我地暫時都係有待主角夾完先再傾～！！

唔經唔覺大家吹下玩下都搞到接近12:00喇，所以我地都差唔多要散水啦～！！
由於我要跟我表弟車所以咪跟埋佢去拎車，正因為咁就俾我見到兩位巨聲幫～？！

起初我都唔係好覺眼佢地o係我前面，事因佢地出街個look都係普通人一個～！！
及後當部lift到o既時候，佢地轉身行入lift呢一刻先醒起佢地就係Hubert同坤哥～！！