＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今日原本係約左阿仔及世俊一齊食飯，不過阿仔最終因要返大陸而缺席～！！
最後就只係得返我地兩個出去，所以我等世俊放工後就出左市中心食飯～！！

約左7:30pm左右一齊搭車出去，不過佢最終又係玩遲到而俾我話左兩句～！！
其實佢都知道自己遲到係一個問題，事因呢個習慣係會影響佢o既工作嘛～？！

至於o係今晚晚飯之前，佢就先陪我去睇左一陣衫褲同埋鞋等o既野先啦～？！
事關我今年都有部份野需要買，所以我咪趁機問下佢o既意見同埋睇法嚕～！！

掛牌新一輪洗牌好快就開始，而佢近日竟然係被大家點名讚o既一個啦～？！
所以我今轉就特意俾ｄ料佢知道，希望佢日後可以更加努力去表現自己嚕～！！

畢竟佢掛牌都已經有十一年時間，而好多人其實亦都係等緊一個機會啦～！！
而且難得佢近年o既活動出席率又提高，所以相對去提高知名度應該唔難～？！
雖然我今轉都爆左唔少野俾佢知，但及後就真係要好睇佢自己o既努力喇～！！

今年可能係一年幾大轉變o既一年，而且玩得地震都一定係會大執位啦～！！
呢個時候好自然就會有大突然上位，至於最後係邊個跑出就仲未知嚕～？！

至於o係晚飯之後o既時間，我地都不本諗住再傾下計先正式散水啦～！！
不過佢女朋友就o係呢個時候打o黎搵佢，而且仲keep住咁煩到佢有ｄ燥啦～？！
但我今晚睇到佢o既應對及表現，又的確係比以前成熟同埋進步左唔少嚕～！！