＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

又有一個朋友將會去澳洲，所以今日下午就特意約埋見一見大家啦～！！
雖然同朱麗聚返唔係好多次，但我地做同學o既時候都叫做玩得埋啦～！！

佢好快就要離開香港去澳洲工作，估計大約一年之後先會返o黎啦～！！
所以我地部份舊同學都有有出席，所以去到o既時候都有一齊傾下計呀～！！

下午約埋Phoebe一齊入去大欖BBQ場，事因我地及後係會有下場嘛～？！
所以早段已經有左共識，今日下午由Jacky開車車我地去到呢到玩一陣～！！

大家見面都主要係講下ｄ無聊話題，所以初段o既感覺就真係怪怪地～！！
加上早前Tracy兩公婆大戰Phoebe兩公婆一事，搞到今日見面就好似有ｄ怪～？！

幸好今次有我在場開左唔少話題，最後都叫做令到佢地對話時冇咁尷尬嚕～！！
至於同場而又識o既人就仲有Ken哥及芷君，但係大家真係極少野講嚕～！！

而o係接近要完呢場活動之前，Jacky一早就已經開定車o黎等我地走喇～！！
事因我地又係一早就夾定左，夜晚時間又係會再次玩三人行一齊食飯呀～！！

其實今日大家心情都唔差，不過今晚o係買野食之時就發生左一次意外喎～？！
因為大家一齊去買野食之時，Jacky因為講電話o既問題而突然發脾氣嚕～？！

雖然我都知Jacky本身係比較火爆，而且亦都聽唔少關於佢突然性爆炸一事～？！
不過今晚親身經歷左一之後，我終於都明白平時Phoebe點解會有投訴喇～？！
及後佢地都一度靜左一輪啦，不過最終o係晚飯時間又可以回復返正常啦～！！

三個走埋繼續大談好多不同話題，所以呢轉基本上都係以爆笑氣氛為主呀～！！
今晚傾左好多從前大家都唔會去傾o既野，今晚終於都知道咩叫做〝色〞呀～！！

至於今轉除左講左好多兒童不宜o既話題外，當然人生及工作等話題都有講～！！
聽日開始Phoebe就會再次投入工作，所以今日就係佢呢三個月內最後一日假～！！
我理解佢放左咁耐假之後突然要返工o既心情，呢種感覺又真係好無奈o既～？！

而隨住佢重新投入工作之後，及後o既活動事宜就要真係要再夾下個期喇～？！
因為下個月就係佢o既生日，而按照慣例係應該會有一個慶生o既聚會啦～！！
不過因為近年o既種種是非問題，所以人選及形式都已經有左初步共識喇～！！

事因今年o既負責人將由Jacky接手，而我亦只係做副手去處理下ｄ細節嚕～！？
而o係佢o既生日活動之後，下一個又係又Jacky負責做搞手o既生日活動喎～！？

雖然下次主角就變左係我，不過今次阿仔就需要改拍佢地兩公婆去完成啦～？！
一個新手拍住兩個舊人最終會擦出咩火花，其實我自己都期待呢個活動嚕～！！
而且今年o既出席人士名單方面，有極大可能係會同往年o既有所不同添呀～？！