＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今日應該係新年活動最後一場，而今晚正正就係同阿仔去食餐好o既～？！
原定o既各個拜年活動先後完成，而今次就揀左同阿仔去食自助餐開年～！！

其實今年年頭時間都傾過唔少議案，但睇o黎今年絕大多數o既活動都會暫停～？！
事因我今年將唔會再負責做活動搞手，所以今年好多活動或飯局都應該會停～！！
但係部份每年o既主要飯局都唔會暫時，事因呢幾個活動先會由我去負責呀～！！

今日下午5:00pm左右先去會合阿仔，及後就諗住按原定計劃去接埋阿姨啦～？！
點知佢最終就因為要陪佢堂妹o既關係，而搞到我地o係呢個時間先決定分開去～！！

至於佢今晚o既出現都幾突然，事因我叫佢去都係因為尋晚見面o既時候約呀～？！
因為今晚姨丈公司食開食飯，所以我咪隨口問下佢跟唔跟埋我地一齊出去嚕～？！

而我地今晚就揀左出尖沙咀o既酒店食野，所以都幾近姨丈今晚食飯o既地方～？！
所以我地原本o既計劃就係大家食完後就會合，及後仲可以去海傍傾下計啦～？！

由於我地同阿姨原定會合o既地方係屯門，但最後就改為去到尖沙咀先會合～？！
點知阿姨就因為掛住同佢堂妹吹水，搞到我地望住佢架車o係我地面前飛站嚕～？！
及後因為佢過左站先落車o既關係，所以佢咪要行返轉頭o黎會合返我地嚕～！！

我地見到面之後當然開始吹下水，不過主要都係由阿仔向佢拜個年先啦～！！
今日我地o既造型都十分靚仔靚女，大家整個感覺就真係好趁今次個場呀～！！
而且我同阿仔今轉呢個look都係全新出場，所以俾阿姨o既感覺都幾新啦～！！

至於o係飯局當中都傾左唔少話題，其中就包括工作及生活等多個元素～！！
好明顯我同阿姨諗o既野都係比較接近，而阿仔係學生就始終仲係學生呀～？！
好多方面我地所諗所睇o既野都好大差別，畢竟我地o既生活環境都好唔同～？！

而近年度阿仔都好積極去學唔同o既野，而各掛牌成員相信都會盡力幫佢啦～？！
畢竟除左佢自己o既部份親身經歷外，好多野始終都仲要靠我地去引導佢呀～！！
再者今年度佢將要面對唔少考試及難題，所以佢比往年係需要更加努力呀～！！

今年就係佢大學生涯o既最後一年，年底時間亦係佢大學畢業之期啦．．．
所以好多野都係時間要面對現實，而我地早前亦都傾左對佢o既要求將有唔同～？！
雖然我知道佢需要面對唔少壓力，但係要佢提前去學習面對可能係件好事～？！

至於o係今晚個飯局完左之後，阿姨打俾姨丈諗住會合o既時候就出左ｄ意外～？！
事因佢比我地較早完左飯局，而且佢又o係紅磡o個邊上車係比較方便呢．．．
所以佢就諗住自己返左入屯門先，而我地就三個一齊返去先再會合返佢喎～？！
點知我地竟然可以o係同一架車上面相遇，呢種緣份都真係唔到你唔信呀～！！

而今晚最後一站方面，我地就決定左返到屯門之後食埋個糖水就散啦．．．
呢於呢個部份加埋姨丈之後，當然又係爆笑連篇同埋會講下近日生活事啦～！！
笑下傾下咁就過左一個開心o既夜晚，希望未來o既時間可以繼續多ｄ機會啦～！！