＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今日下午除左去左剪髮之餘，另外趁住有時間就同Phoebe傾左一陣電話啦．．．
正正就係因為呢個電話o既關係，所以佢又約左我今晚上去友愛食飯兼吹水喇～！！

最初個版本都只係諗住我地又再三人行，齊齊出去食完野之後先返友愛啦～？！
不過佢突然又話好想食下個彩虹蛋糕，於是佢就叫我急call下ｄ人邊個有期啦～？！
由於個期出得真係好急o既關係，所以我最終都只可以約到世俊同埋舅父仔咋～！！

至於我搞好晒自己就先左屋企換過套衫，及後就同世俊傾左一排電話嚕～！！
之後到差唔多時間就打算落去搭車出市中心，事因我地原本係諗住去呢到食飯～！！
但呢個時間Phoebe知道只係得我地三個o既關係，最後個計劃就突然改變左～！！

其實今次圍埋都叫做搵左個好特別o既理由，事因我地話今次當提早賀新年喎～？！
由於新年期間我地呢班掛牌好難聚到埋，所以呢轉就當係預早慶祝左先喎～？！

至於今晚o既晚餐方面，就由原定o既出街食變左做Phoebe親自下廚整俾我地食～！！
雖然今日o既晚飯係好簡簡單單，但係Phoebe煮野食o既廚藝又的確唔差喎～！！
而o係晚飯之後o既時段當然就係hea左陣先，因為我地要為陣間食蛋糕做準備～！？

呢個時候當然就係一齊傾下計先，及後等埋世俊同舅父仔到埋之後就又開餐啦～！！
雖然今日o既人唔係話好多，所以今次o既興奮程度當然就梗係唔及上次咁癲～！！

而o係佢地兩位都到埋場之後，我地除左開餐之外就係講下大家o既曾經啦～？！
每次當我地一齊回顧返大家o既過去o既時候，我地都總會係覺得好爆笑嚕～！！
至於今轉世俊留左一陣同大家吹左陣之後，佢就因為有其他要事而要先行離開～！！

而繼續留低o既我地當然就會繼續吹水，首先會講o既當然就係新年節目先啦～？！
事因大家早前都話想夾個期一齊食個飯當團年，及後當然就係計劃生日節目喇～？！

早前司欣生日就已經搞左慶祝飯局，而o黎緊當然就梗係會陸續有人生日啦～？！
但到底最終係咪所有人都可以有慶生飯局，最終就要睇下有關人等o既計劃喇～？！
至上半年o既Phoebe及下半年o既我，當然就會一如以往咁有慶祝活動計劃啦～！！
不過當講到我生日計劃之時，Phoebe就話想我最少搞左一次大型Gathering先喎～？！

其實今年我生日個慶祝計劃仲係傾緊，事因我今年只係計劃左同部份要員食飯～！！
所以我係並冇打算好似往年咁大搞一次，畢竟今年我生日會移至高級地方到搞嘛～？！
再者今年會有數個重點項目要忙，所以我今年就唔會好似以前咁負責做節目搞手～！！

除左好快就會到農曆新年之外，另外一個重點節日－情人節亦都好快就到喇～！！
所以我地最後一個話題就圍住呢個問題，而佢地今年就特別緊張我o既感情事啦～？！
事因早前我地都有就住呢方面去傾過好多野，所以我最終都決定左會行動啦～！！
正因為呢個原因，所以我今次都特別請左佢地幾位做我o既顧問去做一連串計劃～！！