＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
尋日先同Phoebe及Jacky見完面，但係我地今日就繼續約埋出去玩返日喎～！！
事因尋日Phoebe位朋友話想約佢地去睇紅葉，所以佢地就叫我加入齊齊去嚕～！！

所以今早就約左11:00pm左右o係兆康到會合，及後我地就先o係到食左ｄ野啦～！！
及後我地就要搭車入去大棠到會合Anna兩姐弟，事因我地今日下午係要去行山～？！

由於Anna話佢屋企附近有個地方行山幾舒服，而且呢到仲會有紅葉睇嘛．．．
所以我地就計劃先去Anna屋企到玩陣，之後等冇咁晒先一齊出發去行下山啦～！！

趁住呢排大家o既心情又唔錯，再者天氣又唔係好極端o既太凍或者太熱喎．．．
所以我地先會有此安排，而且我地五個夾埋應該都會有唔少笑料可以爆下呢～？！

不過去到玩左一排之後，Phoebe就話見時間尚早而打算將其安排延遲陣啦～！！
所以我地五個最初就諗住打陣機，當然中間就梗係會吹下水兼爆左一輪笑啦～！！

玩下玩下時間就越o黎越晏，所以我地最終就決定取消去行山呢個計劃喇～！！
雖然原定去行山個計劃取消左，但我地留返屋內到打下機同埋玩game一樣好笑～！！

今日呢種hea住玩o既感覺，突然令到我地諗返起細個時候學校去宿營o既感覺～？！
因為我地今日真係足不出戶，全程都係o係屋入面到玩唔同o既野就過左一日～！！

再一次打破一個新紀錄，事因今轉係一次過就認識多兩位新o既朋友啦～！！
雖然我同佢地今次只係第一次一齊玩，不過佢地俾我o既感覺都係好友善呀～！！