＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
自上一年出席左Tracy婚禮之後，今晚就係另一位掛牌成員o既大日子呀～！！
今日回顧返過去o既日子，原來我同女主角o係不知不覺間已經識左十五個年頭～！！

由知道佢開始籌備婚禮至今日，我一直都有俾下意見同埋睇住成個進度啦～！！
今日好多野我o係早前已經知道，所以相對其他人而言o既新鮮感就一定冇咁大～！！
不過同佢一齊成長兼維繫左咁耐o既友情，睇住佢今日正式踏入另一新階段喇．．．
其實我o既感受絕對係唔細，睇住自己一個好知己成婚真係既感動又開心囉～！！

至於今日o既安排早前已經夾好，上段時間就梗係去聖堂見證佢簽字同行禮啦～！！
而呢部份出席o既人除左我之外，就仲有大妹、三妹、阿樂、舅父仔同埋世俊嚕～！！

而o係出席呢部份盛事之前，我當然就係要去搞一搞個靚仔樣同埋食ｄ野先啦～！！
搞掂左個look之後，當然就係同大妹、阿樂、舅父同埋世俊一齊去食野兼吹陣水～！！
我地最終揀左去Ｍ記食返個lunch先，之後突然收到司欣來電話要幫佢買咖啡喎～！！
所以我地咪趁住仲有時間就幫下搞掂埋，買完野之後就梗係過去會場到觀禮啦～！！

去到呢到首先就梗係同一對新人傾陣計先，事因今日係佢地o既大喜日子嘛～！！
之後就梗係轉戰同一ｄ舊同學吹下水，話晒大家都好一段時間冇一齊玩嚕～！！
難得可以有呢ｄ機會聚埋一齊去成就一件事，當然不忘要影下相兼傾下計啦～！！

其實第一部份睇住女主角步入教堂，我個內心已經有一種難以形容o既感受呀～！！
從前一個少女到今日終於都要成為人妻，呢種百感交集o既心情真係唔知點講呀～？！

至於o係觀完禮之後o既呢段時間，我地原本係打算跟返計劃出去荃灣影外景相～？！
但係我就收到家姐o既通知話行程突變，所以呢部份o既安排就要臨時取消嚕～！！
仲有幾個鐘o既時間先要去會場進行第二部份，我地當然要搵ｄ野玩下啦～！！

經過大家邊行邊夾o既共識之下，我地最終去左唱返個Ｋ當係娛樂兼休息呀～！！
其實呢段時間大家都已經玩到顛晒，唔知點解大家o既情緒會突然咁高漲嚕～？！
今次除左唱左好多好好聽o既歌之外，當然我地都有唱左好多好難唱o既歌啦～！！
大家都玩個盡興之後就正式向會場進發，不過事前就仲有人要去買禮封呀～！！

至o係我地準備上去會場之前，突然就俾我地撞見Private都係同時間去緊喎～！！
而去到會場當然就係見到唔少舊同學啦，呢段時間又係我四圍去吹水o既環節～！！
除左見到Private之外，當然仲有同Tracy、芷君，朱麗等舊同學都傾下計啦～！！
原來今晚都有唔少舊同學出席，所以我地突然搞到好似東華籌款節目咁呀～！！

至於婚禮o既每一個部份都令我留低唔少回憶，特別係睇主角成長片段該部份～！！
雖然我早段時間已經睇住佢地整，但到今日完全版正式出街又係另一番感受～！！
今次呢件盛事接近出晒全部掛牌成員，所以今轉真係可謂算係齊人o既一轉呀～！！

至於我除左識得兩位主角之外，佢地身邊o既部份朋友當然都有識少少啦～！！
所以我都有抽時間同佢地傾返陣計，正因為咁就令到大家覺得我識得好多人嚕～！！
而我做得家族o既第二把交椅，識返下人同埋點樣同其他人交際當然都係重要～！！

隨住年度盛事o既圓滿結束，代表新一年即將來臨兼要開始做來年o既計劃啦～！！
不過年底時間當然仲有部份活動未出，所以大家都已經開始著手定緊個期啦～！！
一如以往同阿仔就梗係有唔少壓軸活動，所以月尾時間就梗係比較開心同忙碌～！！

隨住呢一年o既過去同將要結束，我係應該重新調整自己準備迎新一年嚕～！！
不過今日上午突然收到『愛人』個Whatsapp喎，當時我的確係覺得好意外o既～！！
佢話佢離開左青山將近一年，佢回想返起該段日子o既事所以好想感激同多謝我～！！

從前佢所做o既一切都好直接影響到我，可惜經過呢段時間好多野都已經唔同左～！！
或者o係我仲未下決心去放棄佢之前，呢段說話對我而言係仲會有感動作用o既．．．
但係事已至此已經唔會再對我起到特別作用，所以我只會當係一個朋友o既道謝～！！
點解人總係會覺得失去左又或者係得唔到o既野，先係最好同埋想去珍惜o既呢～？！

人生可有知己

深宵了　呆坐客廳聽晚風飄
無言地想起往昔共知心談笑
渡過了不少春與夏夜了
都不見了　時間送走不少歡笑
隨年月長大人或事更改變
覓理想的心不再復現了

看　人為了名利
強迫自己　刻意逢迎獻媚
忘掉自我　拼命去假裝
騙人亦騙自己
最後也許是眾叛人離

看　朋友已經
變得陌生　不再傾吐心聲
唯獨是你　你待我真以心
相處共對以真
你令我積極繼續前行

想通了　人性美醜都不緊要
唯有盡本份　那管路彎風狂嘯
有你共我一起闖心已樂極了
人生路有知心一起共勉
伴我一起闖　不再寂寞了