＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

早段見面見得好密o既我地，原來已經有兩個星期斷左冇見面喇．．．
不過今晚我地三個又約埋食飯吹水，而且仲要一齊去左行街買衫添啦～！！

至於我地呢個三人組合係邊三個，就梗係我、Phoebe同埋Jacky啦～！！
事因Jacky早前話想去睇衫兼買衫，所以佢就叫Phoebe約我幾時有空一齊去～？！
而我地呢段時間係有夾過時間，不過最終都因為唔同原因而要擱置左囉～！！

不過今日再次約埋當然又係吹水，不過今次主要就竟然變左吐苦水喎～！！
因為我同Phoebe近日都有唔少不快事，所以我地一見到面後就講唔停啦～！！
至於Jacky當然都有佢o既事而煩惱，搞到我地三個走埋之後就變左苦主聯盟～！！

初段都係主要講下呢期ｄ黑仔野，之後當然就變左做講笑話兼講生活事～！！
由於我地三個都係收工後出去會合，而且時間亦都係比平日夜左o既關係．．．
所以我地最終o既安排就係先食左野，及後先轉戰去行街睇衫兼買下野囉～！！

最終我就梗係用左Jacky個折扣優惠買到野，而主角自己就竟然未有收穫囉～？！
其實我同Phoebe都知道佢其實係睇中左對鞋，不過佢就好似唔係好捨得買咁～？！
原因其實我地都知道係點解，事關佢都係想留返多個錢以備婚禮不時之需～！！

食完野兼又行完街之後，我地就轉戰返去友愛到邊食下野兼繼續吹水啦～！！
至於呢部份轉戰o既話題方面，就改為以感情及相處兩大問題做主打喎～！！

我地都知道好多時兩個人相處，其實真係需要互相遷就同埋協調啦．．．
至於佢同Freeman分開o既最終原因，今晚終於都叫做有一個正式o既版本喇～！！

而當我地去回顧返呢堆從前o既時候，的確係令我地諗返唔少以往o既事～！！
兩個人能夠走埋一齊係講緣份，但及後o既相處同埋價值觀其實亦同樣重要嚕～！！
有時候兩個人雖然有一段好長時間o既感情，但到底呢份情又係咪只係責任呢～？！

另一方面．．．
由於早前有掛牌成員因為一件事搞到不快，所以佢地o既兄弟姊妹就換過人啦～！！
雖然早前Jacky就已經公佈左兄弟個名單，但係Phoebe呢邊就仲未諗到點樣交代～！？

事因Jacky早就預左行到呢步就連朋友都冇得做，但我睇得出Phoebe就唔想係咁～？！
畢竟一個向佢地交代o既手法，係會直接影響到成件事o既結果同埋日後關係嘛～！！
我絕對可以理解Phoebe諗緊咩，所以我都叫佢盡量去將件事搞得好好睇睇啦～！！

家族上面經歷左咁多代o既掛牌，年年都會有新人出現兼有舊人又離開啦～？！
但係真係仲可以走到最後唔使甩走o既，到底最終又會有幾多個可以做到呢～？！
舊日回憶的山丘

你我八歲某日裡　手牽手一起歡笑
於這山丘曾幻想變一雙飛鳥
你老了我也大了　想飛始終飛不了
這山丘被埋沒於鋼筋不太緊要
就算摩天建築也可於一轉眼之間永沒再
讓記憶只記載　風景美好過
當它並未塌下來

* 就當所有痛楚　成長的經過
能夠學在回憶中止痛亦算不錯
若我心愛的歌　明天都不再播
能夠腦內重溫聽多次亦會溫暖我

明白經歷太多　樂與悲我永不可操縱
讓記憶中只記最好　忘記當中所有痛

你試過記過罰企　我試過欠交功課
扭起耳朵　仍學不會將功補過
我跌過你挫敗過　放棄過放聲哭過

收起記憶最苦的才是寶貴一課
沒有斧頭　那麼華盛頓
永不懂勇敢的　去認錯
讓記憶只記載　花瓣再開
來忘掉大樹塌下來

Repeat *

沒有起跌痛楚　成長怎麼過
能夠學在回憶中止痛亦算不錯
若你不辭而別　留低這一個我
求你記住甜筒都跟我共吃一個

無論怎樣結果　避免不了箇中的差錯
讓記憶中不記太多　剩最好的經過
就算山丘不再美好　在記憶中它美好過