＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今個月都已經唔知係第幾次一齊出去，因為日前先一齊去影完叮噹冇耐咋．．．
而今轉就繼續去睇卡通人物展，不過今次就係出左去尖沙咀THE ONE睇鬆弛熊～！！

最初版本就原定會去機場IMAX睇戲，之後先正式開始今日個行程o既．．．
不過最終都因為套戲個時間太早，所以我地就一致決定照返計劃下午起行囉～！！

我地約左1:30pm出到去新港中心會合，而首站就係去左THE ONE睇鬆弛熊先啦～！！
因為今日係呢個展覽o既最後一日，所以我地先咁急要決定o係今日再出o黎嚕～！！
而我地為左要同隻大熊影到張相，竟然大家都肯捱下肚餓去排隊拎左飛先～！！

及後就因為隻熊仲未夠鐘出場，所以我地就o係個場入面行下兼食下野先啦～！！
我地三個呢排真係三人行得比較密，所以我地呢排都真係有咩都會拎o黎講下～！？
至於月中時間方面就係Jacky生日，宜家我地都暫定左屆時會同佢食飯慶生啦～！！

至於影完左鬆弛熊兼o係到行完之後，我地就要轉戰去海港城繼續下半場～！！
事因Phoebe話呢到有間叮噹主題餐廳，所以佢就打算齊齊去呢到食返次野喎～？！
無奈呢到實在係有太多人排隊等緊o既關係，最後呢個計劃都係要取消收場～！！

由於我地去到近4:30pm都仲未食lunch喎，最後我地就決定去左食大食代囉～！！
食完野之後Jacky就諗住叫我睇下衫褲，點知最後就變成佢有最多收穫o個個～！！
因為Phoebe一直都想幫佢搵對白色鞋o係big-day著，而咁o岩又俾佢睇到對嚕～？！

最後我仲幫Jacky轉左個新look登場，所以佢地就話日後買衫就叫埋我一齊去～！！
而且Phoebe仲話我以前個look好乖仔，宜家已經變左一個好熟潮流o既潮童喎～！！

至於下段方面，我地最後就返左去屯門市中心陪Phoebe行街買野啦．．．
事關佢話下星期要出公司個展覽會，所以佢咪要及早買返堆新野裝下身囉～！！
而夜晚方就係上左佢地友愛間屋，因為尾段o既吹水兼晚飯都o係呢到做埋尾～！！