＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
呢段時間見面次數真係好密，而且仲係多年內o既一個高峰期添呀～！！
事因我今晚又同Phoebe及Jacky出左去，因為我地今晚約埋一齊去睇叮噹展～！！

雖然今日仲係平日要返工，不過我地放工之後o既心情仍然良好喎～！！
其實我地呢個計劃最初冇諗過可成行，事關話晒呢排大家返工都幾忙同累～！！
不過佢地兩個就話為左要滿足自己，所以我地就特意抽一個平日晚外出一次～！！

我地首先約好左去新港中心會合，及後就一齊去一間餐廳到食左個晚飯～！！
事因Phoebe話呢到個酸辣粉好味，所以佢咪推介我地一齊去試返一轉囉～！！
而食過之後又真係覺得個味道唔錯，日後有機會就再約埋一齊去再食～！！

至於飯局時間就無啦啦講到旅行一事，而且佢地仲話年底將會去台灣一轉～！！
不過我就因為『愛人』早前話會同我去o既關係，所以我暫時未敢答應佢地呀～！？
雖然我都心知同『愛人』個計劃多數會失敗，但我始終唔係太想亂咁應承呀～！！

至於今晚呢次之行，我地就係為左滿意大家對叮噹o既童年回憶而去啦．．．
所以我地去到尖沙咀o既時候都好興奮，而且我地仲去搵晒全部公仔同影埋相嚕～！！
大家邊行邊吹水o既感覺特別好笑，再者當中亦搵返唔少從前o既感覺添呀～！！

唔知係咪呢排見得特別多o既關係，所以我地都興今次就計劃埋下次o既約會～！！
事因今轉去到影相之時，我地就俾一間幾有情調同對住海景o既戶外餐廳吸引～！！
及後我地就計劃左幾時o黎呢到一齊食晚飯，不過我地都希望可以齊人先成行～！？

同堆公仔影完晒相之後都接近十點，所以我地今次只可以去到其中一站啦～！！
而我地o係之後o既時間就去Ｍ記坐左陣兼食左ｄ野，最後就一齊搭車返屋企啦～！！
至於o係車程入面就梗係講埋下次行程，事因我地仲未去叮噹餐廳兼睇鬆弛熊嘛～？！