＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

呢期真係同Phoebe及Jacky見唔停，我地早前見完冇耐之後又再見喇～！！
而今次相約o既原因係日前約定，因為我地近日都有套電影想一齊去睇呀～！！

至於今次一齊去睇o既戲係〝低俗喜劇〞，但佢就係一套極好笑o既三級片～！！
而我咁大個仔亦都係首次入場睇三級片，當然我會去睇o既就梗唔係o個ｄ啦～！！

呢套片全程都真係好爆笑兼帶有粗口，而我地三個都keep住笑個唔停啦～！！
不過Phoebe對套片當中o既部份對白，就竟然覺得奇怪兼覺得有所疑問喎～？！

雖然我一直都覺得佢係好乖女，但係我又覺得佢未至於係去到咁天真啦～？！
事因佢之前又做過領隊兼轉過唔同行業，所以我一直都覺得佢見識都唔少嚕～！！

而o係我地完左今晚個睇戲環節後，我地都係時候要去搵野食醫下個肚啦～！！
因為我地三個今轉都係收工後就入場，所以大家都未係好正式咁食過野嘛～！！
不過我地o係睇戲中途都有keep住食零食，所以我地都唔會覺得好肚餓囉～！！

照樣跟返原定計劃去食壽司做晚飯，而呢轉當然就繼續係以吹水為主打啦～！！
唔知係咪呢期經常見面o既關係，所以我開始覺得Jacky個感覺越o黎越唔同呀～？！
事因我覺得佢對住我個感覺好自然，而呢種感覺得就連我同Phoebe都睇得出～！！

我知道好多新掛牌要打入呢到唔易，而且佢地亦需要要有一定性o既表現啦～！！
雖然我o係咁多年o黎都係以親民為主，再者各新成員亦都好快都同我有好關係～！？
所以我最初都唔覺得有唔妥，但當我睇返佢對其他掛牌o既反應之時就更明顯～？！

而o係完左今晚個飯局之後，我地又已經傾緊下一次約埋食飯o既日子喇～！！
事因我同佢都想去尖沙咀睇叮噹及鬆弛熊個展覽，所以我地咪要預早約好期嚕～？！