＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今日又係差唔多臨收工之前，我又收到Raymond來電話佢又入o黎喎～！！
由於事出突然o既關係，所以我又搞到好似上次咁好趕咁返屋企換過套衫～！！

而佢今轉又突然入o黎o既原因，就係因為阿仔有ｄ升學o既資料要問佢拎～？！
所以佢就o係收工之後搭960入o黎，而我就要出去市中心到陪佢食個晚飯啦～！！

其實今次阿仔問佢拎野都係好突然啦，所以佢約我亦都係約得好突然囉．．．
阿仔今轉就並冇同我地一齊晚飯，而佢亦只係學完結他之後出現左一陣咋～！！

因為Raymond話阿仔約佢o既時間都好晏，但佢就表明今晚未能一同晚餐～！！
所以佢就要o係之後o既時間即時約我，否則佢今轉入o黎就真係白行一轉喇～！！

由於我地日前先一齊去完旅行，所以我地根本都冇計劃咁快又會再見啦～！！
而且我地o係本周後期又會再聚，事因我o既生日派對將於本周六晚舉行嘛～！！

既然佢放工後山長水遠咁o黎到，我地今次就真係為左食晚飯而食晚飯呀～！！
事因呢幾日見得咁密都未有新o既話題，所以我地都係講返ｄ旅行o既野為主～！！

事因o係佢去左今次澳門之後，佢又已經計劃緊我地年底將會有第二次闖蕩～！！
無疑我地今次三個男仔一齊出門，都算係一個既難忘亦算係新鮮o既一次嘛～！！
再者我地三個又唔係好計較，所以o係各方面o既協調上都唔會好難搞啦～！？

至於今次呢個飯局方面，阿仔中途就曾經出現左一陣聽過下ｄ資料啦～！！
而佢亦都係好急忙o既情況之下聽完後，就話要隨即離開返屋企食晚飯喇～！！

其實呢ｄ咁特殊o既情況一般都好少有，所以我對Raymond此行都感到奇特～？！
如果阿仔係覺得ｄ資料真係咁住用o既，佢正常係會作出另一個較好o既安排～？！
但佢地兩個今次咁o既安排，的確係令我覺得有ｄ唔太似平日合作o既作風嚕～？！