＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
原定聽日下午先同『愛人』見面，但今日收工之際就收到佢話改期至今晚～！！
其實今次原定見面o既安排，主要原因都係要傾返晒近半個月o既兩單事宜囉～！！

由於我o係上個月尾好認真咁嘈過佢一次，所以我就計劃半個月後做檢討～！！
點知o係早前又發生左一件事情，而令到我同佢之間又出現左第二個新問題喎～？！

一連兩件事的確令我睇到好多野，同時我亦o係過程中反省左唔少事宜啦～！！
而我最希望o既事．．．當然就係『愛人』佢都有為呢兩件事去諗清楚所有野啦～！！

由於今日o既安排上比較突發，所以我地最終就約好左7:00pm去上水等啦～！！
見面之後首先做o既當然就係吹下水，至於晚飯呢樣野忽然就已經變得次要左喇～！！
再者今次同佢見面o既氣氛同感覺方面，比起對上幾次其實都係要好左囉～！！

而o係我地未正式開始今晚各個話題之前，少不免又會有ｄ鬥氣場面出現o架啦～！！
由於我計劃今轉以好聲好氣同佢去傾，所以早段就先用左話係鬧爆佢o既方法～！！
但正當我話我今日唔剷爆佢就跟佢姓之時，佢就同我講不如我直接改跟佢姓就算～！！
而且佢仲無啦啦講左一個好無賴o既笑話，佢話咁就係我的名字佢的姓氏喎～！！

至於今晚要當面去傾o既重點話題，其實主要就係分為兩個大部份啦．．．
因為對上一件召妓疑雲案搞到滿城風雨，所以我地首先就係談及到呢單野啦～！！
事關當時呢件事一出就搞到好多人牽涉在內，所以我地更加要傾得清清楚楚嚕～！！

其實自上次o係粉嶺嘈完一次之後，我本以為佢會修心養性咁去反思下堆問題啦～？！
但上次舊同事飯局又突然爆單咁o既野出o黎，我同佢之間就更加係雪上加霜啦～！！

自上次o係粉嶺嘈完至佢Whatsapp我冇覆佢，去到當晚舊同事飯局我亦係為交戲～！！
其實全個過程及每個階段，佢都心知佢係已經出事同埋要諗下點樣補救o架喇～！？

不過就真係好衰唔衰，咁o岩我同佢上件事都未解決就忽然加多一單疑雲出o黎～？！
雖然我當晚冇即時質問過當事人，但我及後其實係有就成件事去作進一步了解啦～！！
而經我了解後最終得出o既結果，根本成件事就係一個誤會兼搞出一個不快局面～！！

因為就住呢件事情發生，『愛人』曾經一度向身邊人大發脾氣去表示其不滿呀～！！
而我同Marcus當然就不幸置身其中，所以呢方面o既問題今晚都係有提及到啦～！！
事因除左我俾佢Whatsapp勁鬧外，Marcus仲俾佢約左出o黎當面發晒爛渣勁鬧～！！

同時當日o既佢真係近乎失晒控，佢仲表示當時連佢屋企人都感覺到佢極為唔妥～！！
而且佢o個陣仲曾經一度嬲到想掟爛部電話添，幸好佢及時控制到自己冇咁做咋～？！

而今晚叫做正式將件事由頭到尾傾左一次，同時我地亦將其問題逐一咁去分析．．．
最終得出個結果就係『愛人』覺得我地應該要信佢，同埋信佢就要即時向佢提問～！！
無奈當晚成件事都比較混亂，所以我自己本身都要冷靜左先可以諗下應該點做～？！

至於佢就好想知道同埋再三強調，點解我當晚唔直接約佢出o黎見面傾清楚喎～？！
如果件事係及早就有晒答案，咁樣之後佢o既發癲同埋我o既唔開心就唔會出現～！！
而且佢亦問及我係咪因為好驚佢最終答我有，所以我就揀左去逃避而唔問住喎～？！
佢就覺得我今次咁耐都唔問，係因為我擔心最終個答案係我根本冇辦法接受到．．．
所以我先會將件事擺左兩日都未同佢講，直至我已經做好左心理準備為止嚕～！！

另一方面．．．
我就住呢一次事件亦再次帶出一個問題，就係關於佢俾外界觀感o既問題啦～！！
由於佢過往行為紀錄都係比較差，所以呢ｄ事o既發生係的確容易引人誤會嚕～！！
藉此我亦都已經向佢重申一次，佢係應該就住有關問題好好咁去反省一下嚕～？！
而o係佢經歷左呢次事件之後，佢都已經向我承諾左佢會注意下有關問題o架喇～！！

不過就住佢自己今次大發脾氣一事，佢係知道佢對我o既態度上係有唔o岩啦～！！
但佢同時就有另一樣堅持，佢話佢今次發癲主因都係因為我地冇即時解決問題～？！
我同Marcus雖則分別用左唔同方法去了解，但係其方法就係令佢覺得係問題嚕～！！

因為Marcus就用左一招旁敲側擊挫佢，而我就將件事擺左兩日到俾佢發現先出聲～！？
所以佢至今都認為我地o係程序上係出左問題，如否．．．佢就唔會發癲喎～！！
同時我亦有住態度一事同佢聲明多次，一個成年人係需要為佢自己言行負責任～！！
幸好我理解佢當時狀態同心情，一旦我真係嬲佢o係Whatsapp講o既野就真係完～！！

我都話過有ｄ說話同態度，咁大個人係必須要注意同埋諗真係咪真係可以出得口～？！
有ｄ說話一出口就可能返唔到轉頭，同時我亦再提佢要記得自己有咩特別身份呀～！？
一再強調佢o既特別身份係得來不易，所以我希望佢知道咩係權利同埋義務嚕～！！

另外．．．
上次o係粉嶺嘈佢一事方面，我地今晚亦都有傾到佢有冇返去認真咁諗一次～？！
事因我上次除左已經表明立場之外，其實我都已經將其行動升級表示不滿啦～！！

經過左一年半o既時間之後，到左今日都仍然仲要玩講條件o既話就真係好荒謬～！？
所以我已經講明我今次係心平氣和同佢傾，而唔想再好似上次咁發晒癲咁嘈～！！
至於佢就表示話佢及後係有返去諗過，不過佢就話佢會堅持做返佢自己嚕～！！

雖然我知道佢已經為左我真係戒左煙，但係佢仍然仲有好多問題尚待改善囉～！！
而今次會面當中亦有就住相關問題傾過，同時我地又再次提到誠信方面o既問題～？！

由於我上次已經講左幾個大問題，所以我先希望佢認真去反思有關o既事～？！
有好多野．．．我唔出聲唔代表我唔知，我只係唔想再去為呢ｄ野而嘈咋～！！
但佢就同我講話佢北上左而冇同我講，係因為佢知道我唔鍾意所以先唔同我講～！！
佢o既出發點其實都係因為唔想我知道左而唔開心，而唔係佢有心想去瞞住我喎～！！

我知道其實佢係應該有去諗過，但至於佢係咪真係肯去做就好睇佢自己本人喇～？！
因為我同佢前後都傾過幾轉，佢每次都係話佢唔會再應承我佢會做到ｄ咩囉～！？
主因係佢其實理解我同佢觀點上有差異，所以佢費事應承左又做唔到而俾我鬧～！！

當然最後我就梗係有語重心長咁同佢講一次，我咁耐以o黎做o既野到底係為乜～？！
重點其實我就真係唔想浪費時間同心機，辛苦一年之後又將所有野打回原形～？！
而且我都講明我唔會選擇再去鬧，至於佢就話今次見面其實已經傾到唔少共識～！！
同埋佢係一個受軟唔受硬o既人，再者佢肯做o既野多數都係忽發奇想而想去完成～！！

其實今轉都有反覆去問到佢，到底佢咁耐以o黎有冇真正用個心落去了解過我囉～？！
正正就好似今次呢件事咁樣，佢一早就覺得我地係應該要了解佢o既為人同性格～？！
佢話佢唔介意ｄ唔重要o既人點睇佢，只要係明白佢o既人自然就會知道同清楚喎～！！

但佢都係需要明白一個道理，信任係要由經歷同埋時間去慢慢累積返o黎囉～！！
今次搞到我同Marcus都懷疑佢，佢就好應該真正咁去諗下佢本人o既信譽問題喇～？！

至於佢o既名句方面，我今次當然亦都有同佢提到叫佢諗清楚佢到底做到幾多～？！
〝一科救全家〞同埋〝堅持佢做o既野正確〞兩句，我好認真叫佢再去認真諗諗～？！
前者已於上次大吵有所提及，而今次亦都再次提到佢根本冇一範係真正達標啦～！！
至於後者就仲更加衰，成日就用呢句o黎答我之後又俾我搵到佢有問題出現嚕～！！

整體而言今晚的確係傾左唔少野，同時亦都就住各個方面拎到進一步共識o既～！！
只不過最終出o黎o既效果係咪可以取得平衡，我宜家都唔敢肯定咁答到自己呀～！！

除此之外．．．我地今次當然都要講返上次成班舊同事圍埋食飯件事啦～！！
成餐飯o既觀感係差根本就係事實，至於將來o係呢件事之後就更加唔需要再講啦～！！
我地六個人本身o係相處上都已經有隱憂，加上咁樣一搞之後就真係加速死亡～！！

幸好我同佢至今仍然可以繼續行到落去，不過係咪真係有將來就要留待時間引證～！！
畢竟佢都知道佢本身仲有好多問題要去解決，而且佢要力保住個第二位絕對唔易～！！

但係今晚當我地講到關係呢個話題之時，我地都有講返早段我地玩冷戰時o既事～！！
佢見到我FB上面有好多出席活動o既相，而當中一輯就係同Tina佢地去唱Ｋ嘛～！！
但佢就竟然以為我因為不滿佢而要激佢，所以就將呢堆相擺上去向佢示威喎～？！

其實講到底．．．我地個心都係著緊同埋在意對方o既感受同埋睇法喎～？！
如果我地彼此間唔係重視對方o既話，中間有好多野根本就係可以慳返唔使做啦～！！
你的名字 我的姓氏

曾經說過 尋覓愛情
就像天與地別離和重聚過程
而我跟你 平靜旅程
並沒有驚心也沒動魄的情境

只需要 當天邊海角競賽追逐時
可跟你 安躺於家裡便覺最寫意
只需要 最迴腸盪氣之時
可用你的名字 和我姓氏 成就這故事

*從此以後 無憂無求
故事平淡但當中有你 已經足夠

如果要說 何謂愛情
便是跟你動盪時閒話著細情
和你走過 無盡旅情
就是到天昏髮白亦愛得年青

不相信 當天荒不再地老不合時
竟跟你 多相擁一次便愛多一次
只相信 最迴腸盪氣之時
可用你的名字 和我姓氏 成就這故事

Repeat * and *

快樂同樣像你我一對 已經足夠