＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今日下午同阿仔有過短聚，事因就係佢日前幫我去買左部巴士模型丫嘛～！！
所以我今日下午咪過去搵佢傾下計，兼且順手去拎返部車返屋企囉～！！

其實今日見面並非每月o既Meeting，不過我就梗係有將尋日o既事同佢講下～！！
事關阿仔都知道我同班掛牌去左玩，而全日當中發生左o既事就梗係要分享下～！！

主力同佢講左尋日o既經歷同埋感受，再者又同佢預告左下半年o既計劃啦～！！
因為下半年開始就係我生日，及後接住就係佢o既生日同埋聖誕節等壓軸事宜～！！

雖然今年下半年活動未有正式通告，不過我地都差唔多係時候計劃一下喇～！！
再者本年尾又係Phoebe結婚o既大日子，所以我地都要做定準備同埋計劃嚕～！！

至於年度之內仲o有既其他節日方面，我地就暫時未有任何特別計劃啦～！！
可能呢堆日子會以簡單o既形式過左就算，又或者到時先再諗下想做咩慶祝啦～？！

另一方面．．．
上月因為『愛人』o既事叫做已經交代左，不過日前佢又竟然再度出事喎～？！
事因我上月發勁大火去鬧完冇耐o既野，佢可以轉過頭就去犯埋ｄ不必要o既錯～！！

所以我今次除左係同佢呻下之外，重點就係想睇下佢o既睇法同埋意見嚕～！！
因為過埋今個月之後，我就會認真考慮下『愛人』是否要甩牌o既問題o架喇～！！

最後．．．
關於我月尾將會去旅行一事，我亦都有就住唔同方面o既野問過佢意見啦～？！
事因我唔想出外有咁多甩漏之外，事前我仲有部份事宜係需要佢幫我去解決嘛～！！