＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
自日前考完試兼見埋『愛人』之後，今日終於都到阿仔出場同我見面喇．．．
至於今轉同佢見面o既時間唔係太長，事因我地都係揀左晚飯後時間先見面～！！

由於今日我成班親友入晒o黎拜年，所以我都要首先應酬左佢地先啦．．．
而o係食完晚飯之後o既時間，阿仔就過左o黎我樓下搵我見面同埋傾陣計啦～！！

至於是次會面所講既事，主要就係我考試前後及『愛人』近日o既事啦．．．
畢竟『愛人』已經出左兩次場同我會面，而且佢又好似開始有返ｄ表現咁～！！

其實今次約阿仔見面，當然就梗係唔止就咁見面吹下水咁簡單啦．．．
是次除左係要同佢講返上述兩個問題之外，同時我就梗係有野要送俾佢啦～！！

事因近日佢轉左一個新形象之後，外界o既迴響的確係比我地預期中多呀．．．
不過呢一切o既反應當然就梗係好正面，而且仲令到阿仔對呢次轉形信心大增～！！

因為佢今次o既轉型，的的確確係咁多次之中最出位同埋大改變o既一次。。。
之前數次o既轉變或者都會就返個感覺，但今次就真係玩以潮流為主o既野喇～！！

另一方面．．．
佢由今次開始之後同我o既會面，佢每一次都係必須要先執左個樣先o黎見我～！！
因為要佢咁做o既目的就只有一個，我就係希望佢可以慢慢培養出呢種習慣呀～！！

而關於我順利升職一事，及後我就會聯同佢同埋秘書一齊食飯慶祝一下啦．．．
同時我地亦都要為本年度o既各項活動，準備去傾好一個全新方向同計劃喇～！！