＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
已經一連玩左五日時間，真係完完全全咁享受左呢個聖誕假～！！
玩左咁多日真係玩到個人好興奮，但係o黎到今日就覺得個人好累囉～！！

至於今日最後一日假期，我就應Angela約同佢入左去長洲行返轉啦～！！
我地大約12pm左右就去天水圍會合，及後就搭車出去再轉船到目的地～！！

由於我地兩個都係訓醒就要出門口，所以我地就連lunch都未食呀．．．
而去到目的地o既第一件事．當然就係先去搵左ｄ街頭小食食下先啦～！！

事關佢今次想入o黎o既目的，其實都係志在好悠閒咁行下同食下野啦～！！
所以我地就以呢個大前提為主，主要都就四周圍行下買野同埋食下野啦～！！

首轉o係碼頭附近食ｄ左小食之後，我地就開始買圍去行下兼睇下野喇．．．
原來我地今次咁樣拍埋行，當中好多地都係我地第一次所踏足o既地方囉～！！

對住呢到寧靜o既環境，加埋今日咁好o既天氣兼有埋個唔錯o既海景．．．
突然令到我地都覺得呢種感覺好自然，而且佢仲話佢係好喜歡呢ｄ居住環境～！！

另一方面．．．
我地除左有四圍行下睇景之外，當然就係有就住唔少話題去傾下啦．．．
當中包括有工作、家庭、朋友同埋愛情觀，當然我地亦都係傾得好開心啦～！！

唔知係咪因為節日同埋近年底，所以大家都對愛情有另一番o既睇法呢～？！
所以呢個話題就成為左近期熱話，變成每個聚會中各位都會傾到o既野嚕～！！

而我地行到大約5:00pm左右，佢就因為要返去葵芳出席下一場飯局．．．
所以我地最後就一齊離開，到送埋佢去到葵芳之後就真係正式完結今日活動～！！