＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

  
又到左一年一度o既聖誕正日，而今年我地三個男仔就約埋去玩一日啦～！！
今次一日遊o既行程原定係去昂坪360，不過後尾因阿仔有事而轉左去西貢啦～！！

佢地兩個都係第一次去呢到玩，而我亦都已經有一段長時間冇o黎過喇．．．
同阿仔約好一齊由屯門搭車出去，去到西貢市中心先同Raymond會合返啦～！！

入到去首個任務當然就係食野，而我地最後就揀左一間望海o既茶座食tea嚕～！！
大家首轉o既話題都係以上星期o既事為主，事因我地o既新掛牌已經登場丫嘛～！！

聽返晒身邊各位對新姨丈o既觀感，整體評價都尚算係好正面同夾得o黎啦．．．
及後我地o既話題就改為講下尋晚o既事，事因尋晚就係一年一度o既平安夜嘛～！！

到大家都食晒野兼傾完第一轉之後，我地就o係呢到四圍行下同埋影相啦．．．
難得入到o黎對住個大自然，我地都有同感覺得呢到個環境好舒服同寧靜嚕～！！

完全對住大海、樹景及埋藍天白雲o既感覺，終於都有返種放假o既感覺～！！
齊齊四圍行下兼搵景影左一批相，及後就要起程出返去市區準備食晚飯啦～！！

不過呢轉晚飯時間就少左阿仔，事因佢屋企有事而要提前離開啦．．．
至於我同Raymond兩個就先o係旺角行左陣，及後就諗住去個地方食野啦～！！
最後因為到到都爆到七彩o既關係，所以佢就話同我返入o黎屯門食飯囉～！！

我地最終就揀左o係市中心食野，不過事前都o係呢到行左一陣街先．．．
事關我有ｄ野想買o黎送俾人，所以我地就買完ｄ野之後先要去食野啦～！！

而今次最後一轉o既話題，估唔到又係尋日同阿仔傾到o既感情話題喎．．．
由於呢個聖誕節假期o既我好忙，每日o既節目安排都有唔同人兼排到爆晒～！！
同時最後尾場一日就係Angela約我，所以佢地兩個都有甚大o既反應嚕～！！

就咁傾下又食下野就搞到10:30pm喇，最後我就送埋佢去西鐵站搭車．．．
至於我地下一次再會面o既時間，就係好快就到o既壓軸節日除夕夜喇～！！