＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
日前係首年識左Marcus後生日o既關係 ，所以我早前就約佢一齊食飯當慶祝～！！
不過呢件事『愛人』亦都會加入，所以呢兩日咪同佢計劃下有關o既事宜囉～！！

點知佢個死仔就乜都唔諗，幸好我同掛牌去玩當日已經問左ｄ唔同意見．．．
所以我就已經做好準備及計劃，而且呢次其實亦都係我第一次去呢到食飯呀～！！

『愛人』話起初只係諗住大家普普通通食餐飯，根本冇諗過我會有此計劃．．．
至於今次一齊去食飯慶生o既地方，我就揀左去黃金海岸一間餐廳到食飯喇～！！

另一方面．．．
尋日仲諗緊我地打算去邊到食飯之時，同日晚上『愛人』亦都係有搵過我啦．．．
事因佢呢晚原來係會返o黎屯門訓，而且佢又想搵我陪佢出市中心到行街買衫～！？
無奈我呢晚已有活動在身o既關係，所以我就唔可以陪佢完成有關任務喇～！！

至於今晚個飯局方面，當然都係等大家放晒工之後先會合埋過去啦．．．
我同Marcus就約好時間地點會合埋先過去，至於『愛人』就自行去目的地搵我地～！！

不過o係『愛人』回程返屯門途中，佢就完全咁表露出佢真係一個路痴嚕～！！
事因我早段已經教晒佢搭車o既方法，但點知最後佢都可以o係旺角盪失路囉～！！

叫佢先搭118落到旺角轉52X返入o黎，照道理係一件好易明白同埋做到o既事．．．
不過佢o係落左118之後就開始出事，所以我地就唯有一直教佢搵返路搭52X喇～！！

雖然我以前都聽聞過佢係路痴，但我真係冇諗過佢咁大個人都可以失敗到咁～？！
再者我同Marcus會合埋o既前後，都已經傾過下佢到底係咪真係會盪失路嚕～？！

最終我同Marcus去到目的地之後，我就要返出去車站等佢架車到站接埋佢．．．
當然佢咁失敗既表現係會換o黎後果，最後佢就俾我鬧左差唔多近一餐飯時間呀～！！

至於我地三個會合埋次後，其實都先後傾過唔少關於生活上面o既話題啦．．．
當中有包括我地o既工作同感情，至於佢地最關心o既問題就係我係咪升職一事～？！

雖然公司已經出現大地震，但呢個承諾亦係老細走之前話會為我做o既事．．．
就咁聽佢講同埋睇眼前o既局勢好似係食硬，但我始終覺得又未必係一呢一回事～！！
再者我始終都覺得．．．一日未成事o既野，我就唔會俾太大希望自己囉～！！

至於有關感情方面o既問題，『愛人』就話我升左之後就應該搵返個女朋友喇．．．
但係我地大家都清楚知道，感情呢ｄ野唔係自己話想要就可以即刻有o架喎～？！

另一方面，雖然我同Marcus都識左有一段時間．．．
不過．．．佢應該未係好清楚我同『愛人』之間o既相處模式同埋玩法啦～！！
所以佢今晚見到我地o既相處模式之後，都應該覺得我地好有趣同埋好好笑囉～！！

話晒我同『愛人』就叫做相對左成年，而佢就只係叫做間唔中先見到我一次．．．
所以我倆習慣左就一ｄ都唔出奇，而且『愛人』仲話呢種相處模式叫做情趣喎～！！

至於講開升職要請食飯一事方面，『愛人』反而就起勢係咁問我呢個問題啦～！！
不過．．．佢自己都好似已經唔記得左，佢已經升左但就仲未請我食飯囉～！！
 
愛的呼喚

清風滲著雨點
清新彷似妳的臉　常懷念
喜歡看下雨天
喜歡跟你再相見　重拾未了緣

＊愛意永不會間斷
　就算世界與星空每天改變
　愛你更多總不減半點
　最愛聽你聲線

　誰輕輕叫喚我　喚醒心中愛火
　幸運只因有著你
　不再流淚與磋砣

　來深深抱緊我　讓痴心加上鎖
　落寞歡欣聽著你柔情蜜語
　在燃亮我＊

聲音永沒困阻
即使分隔數千里　情還在
心中熾熱似火
終於跟你再相見　懷念是折磨

REPEAT＊

從心的領略過　是不死的愛念
是用心的抉擇過
找到承諾與結果

仍感激你給我　像詩篇的愛慕
落在艱苦歲月裡仍然是你
在陪伴我