＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
一早訓醒之後望下個電話，第一件事就收到『愛人』個Whatsapp喎．．．
原來佢想約我今晚一齊食飯，所以我地就一早約定今晚去市中心等啦～！！

雖然已經同佢分開左數日，但係感覺上仍然未係好習慣見唔到佢呀．．．
而o係見面o既時候感覺都叫做良好，不過我地之間相處o既態度就反而變左～！！

另一方面．．．
臨近聖誕節o既時間，我當然就預早去左準備一ｄ自己想要o既野先啦～！！
所以收工後就隨即出左葵芳買野，而呢樣野當然就係送俾自己o既聖誕禮物啦～！！
至於呢份聖誕或新年禮物，當中有一半當然就係同『愛人』有關o架啦～！！

而o係今日未收工之前，我老細就同我傾左一大堆關於公司上面o既野啦．．．
近日公司上面o既大地震的確好煩，事關近期成個部門都冇咩開心事發生過～！！
兩個月內先後會送走晒三子，及後就連宜家呢個老細都會離開呢到喇～！！

有關前景o既問題的確令我甚為苦惱，到底我仲應唔應該留o係呢到做落去呢～？？
事因好快就會走晒三子，但係老細o係呢個時間就話會開個位升我上去喎～？！
一個部門近乎大換血o既情況下，到底我之前要面對o既局面係咪會更加困難呢～？？

就住今日聽到呢一連串o既問題，今晚見到『愛人』之後就同佢講過晒啦．．．
至於我個人o既去留問題方面，我同時都有問過身邊唔少人o既意見同埋睇法啦～？！

而今晚所約o既飯局方面，『愛人』早就揀定左話先去市中心會合啦．．．
起初佢應該打算o係呢到搵野食，無奈因為多人o既關係而令我最終地轉左地點嚕～！！

另外就係因為我出左去買野o既關係，所以今晚會合時間就比預定遲左半小時～！！
所以佢一見到我就即刻嘈左我一陣，事關佢今日原本係計劃左想去買衫褲喎～？！

我估o係我未到之前，佢自己應該都行左一排兼睇過下有咩係可以買啦．．．
最終佢都係冇買到任何新衫褲，同時佢又怨我因為遲到而未能陪佢行街買野嚕～！！

及後我地就返左落新墟食野兼傾下野，而呢個時間o既我就係時候出手扭下野啦～？！
我一心諗住扭佢送聖誕禮物應該唔難，點知最終點樣扭極佢都係失敗收場囉～！！
佢話就算係佢以前ｄ女朋友都冇，所以我今年就唔會令佢有呢方面o既改變喎～？！

上年o既聖誕節佢仲未正式上任『愛人』，所以今年應該就係首年有o既紀錄．．．
無奈佢始終都係以style作為對抗理由，叫我唔使諗面皮厚死扭就會有結果喎～！！

每次去到講數呢個階段，我地每每都會諗方法試圖改變對方原本o既諗法．．．
所以我就梗係試下用唔同方法令佢應承，而佢最終就改為話：『考慮下』嚕～！！

其實我今早睇到佢msg約我o既時候，我都已經覺得好意外同出奇o架喇．．．
因為我根本冇諗過分開之後仲會好似以前咁，或者呢個只係起初o既階段啦～？！
畢竟好多野都仲叫做有ｄ關連，所以o係感情上就應該未會變淡得咁快囉～！！