＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
尋日場飯局最後傾到埋尾之時，我地就同對方講話叫大家返去反省下一ｄ野．．．
而我地今次亦都真係好認真咁去傾呢堆問題，因為我地好快就要分開喇嘛～！！

而為左尋日所傾到o既問題，我地亦真係有返去諗過一切有關o既問題啦．．．
所以為左知道雙方諗完之後得出個結論，今晚就即時再加開多一場飯局啦～！！

收工庚後就照舊各自散去先再會合，及後我地就出左去食飯兼傾下公事．．．
事因呢排雖係佢o係到最尾段o既時間，但當中所出現o既問題亦都有唔少啦～！！
為左呢一切問題已經傾左唔少次，無奈日後拍住o既人已經唔再係佢喇～？！

好多問題好似仲未浮晒出o黎，但係我最近就硬係有種不詳o既預感呀．．．
我硬係覺得當『愛人』一離開之後，好多問題就會一次過咁湧晒出o黎囉～！！

至於今晚約埋食飯o既重點，當然就係為左最後呢一個認真o既時刻啦．．．
各自返去都有為我地之間o既事諗過，而今晚就係要將呢堆問題傾共識之時～！！

相處左都有一段日子o既我地，尾段先發現我地之間o既衝突多左囉．．．
原因．．．係因為大家真係已經好熟，定係我地已經唔覺得需要有咩要保留～？！

而佢就話一隻手掌係拍唔響o既，呢排多左衝突o既主因係因為態度上問題．．．
佢成日就同我講話我對佢o既要求越來越高，又話我態度上間中差左唔少喎～？！
所以佢就o係一個乜都唔理o既情況下，先用駁咀呢招o黎去應對我喎～！！

至於我自己就真係好認真咁諗返呢一年，諗返晒所有同佢有關o既事情．．．
由開始到宜家o既一切經歷，當中包括佢所有o既優點同埋各方面o既問題啦～？！
總括晒各方面同層次上o既野去睇，佢的的確確係可以做到達標有餘囉～！！

雖然話大o既問題已經好多都改左，同時亦見到佢有為某堆問題去努力過．．．
而佢o既改變同埋努力的確係有目共睹，所以我都已經唔再太執著呢ｄ問題之上～？！
但我最終其實只係想佢真正咁明白，身份有別於他人就會有連帶性o既要求嚕～？！

如果我只係將佢當係普通人咁睇，當然我亦唔會o係呢一年多為佢做咁多野～？！
再一次重申左我o既心態同立場之後，我當然希望佢真係會返去再諗一諗啦～？！

至於佢俾我o既回應，當然就有好多個唔同o既版本同埋演繹方法啦．．．
而今次佢就話佢既表現之所以飄忽，就係想俾我感受下佢極端o既好同埋差～！！
同時佢仲話．．．就係因為有呢種刺激，我地o既關係先會長久咁維繫落去～！！

而十年前後o既我亦有唔少改變，當然我地之間o既相互影響亦都係有存在啦．．．
雖然我都好認同人係可以改變人，但係真係肯去做o既就始終要講個心囉～！！

至於呢一年當中經歷左o既野的確唔少，而呢一點我地都同時係認同o既．．．
不過我地同時需要明白，呢一年o既經歷都只係為我地o既日後打好個基礎咋～！！
因為分開左之後o既考驗先係硬仗，能否有未來就真係要睇及後命運o既安排喇～！！