＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今日呢場早就預計在內，事因『愛人』星期一o既剪髮行動失敗左嘛．．．
所以佢最後就決定將個期改至今晚，至於收工後o既做法亦同平日一樣啦～！！

雖然尋日佢個人就放左假，不過我同佢仍舊要用Whatsapp去傾過計啦．．．
佢一朝早起身開始就已經同我聯絡，之後我地其實仲係咁暗中傾緊計啦～！！

至於今日收工後都係各有各走，而到佢收工之後就打俾我落樓會合佢啦～！！
首先要陪佢去完成o既野當然就係剪頭髮，之後就梗係一齊食飯兼吹水啦～！！

食飯期間少不免又出現鬥氣場面，今次講到主要就係佢走都走得好出名．．．
所以我就話佢好有做明星o既潛質啦，而佢就回應話佢係我心目中o既明星嚕～！？

而o係佢剪緊頭髮期間，我就梗係抽ｄ時間同其他人傾下電話啦．．．
話晒聽晚要同Tracy佢地食飯，所以今晚咪吹返陣水當係打定個底先囉～！！

而陪『愛人』剪完頭髮之後，我地o既辯論時間又係時候要開始喇．．．
事關佢得返唔夠一個月時間就要走，所以我可以幫佢執o既野都需要盡早執晒～！？

當中提返起唔少我地曾經o既對話，因為呢ｄ都係佢曾經俾過我o既承諾啦～？！
一個又一個o既難關佢雖然先後都捱過，但我發現佢其實係可以做得更好嚕～！！

鬥氣鬥到今時今日都仲要繼續，或者呢種就係我地之間o既最特別之處啦～？！
其實我地都心知好多野，但係我地就偏偏唔肯認輸去直接接受對方要求～！？

一直以o黎o既佢都係用埋晒ｄ無賴手法應對我，搞到我都唔知好笑定好嬲呀～？！
而佢就話佢呢ｄ叫做特別，兩個人之間o既相處唔可以一世都係咁平淡喎～！！

而我地為左去唱Ｋ或去主題公園呢ｄ問題上，其實亦都先後討論過唔少次啦．．．
事因我多次提出要佢陪我去，但最終好多o既提議都係俾佢否決或拖延嚕～！？

唱Ｋ方面佢直到宜家就點都唔肯應承，但主題公園方面就開始肯讓步啦．．．
不過佢話佢去o既目的主要都係要陪我，但去到之後佢係唔會玩（機動遊戲）嚕～？！

至於o係講開我地咁多次會面講過o既野o既時候，佢竟然記得當中好多對白嚕～？！
起初我覺得佢係唔會咁好記性，真係記得咁多我地不曾經講過或承諾過o既野嚕～？！
但係經此一役之後，佢又俾我再一次搵到佢一個優點同值得欣賞佢o既地方囉～！？

我同佢之間o既第一階段好快就完結，及後就真係另一個階段o既開始喇．．．
我地都諗返起好多曾經o既回憶，記返起好多過往發生過o既事同埋感覺呀～！！

佢話新階段o既開始就係我地o既從新，但係只要係仲有心o既話就唔會有變．．．
而且佢仲話就算我地即將要從新開始都好，佢仍然都係會揀返我地呢個組合喎～！！