＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
原定於月頭時間o既monthly Gathering，早前因為『愛人』病左而要改期．．．
所以我地今日約埋就係為左補做返呢樣野，而今晚當然就係要開大餐啦～！！

一早起身就首先同佢通過電話，事因佢同我講話佢去緊出新電話嘛．．．
其實佢今次換電話o既同時又要轉埋個台，但佢呢次轉台就反而有利左我地～！！

雖然同佢共處左有近一年時間，但之前通電方面都係要考慮分鐘問題啦～！！
但到佢宜家轉左做同台之後，我地之間o既溝通渠道反而又少左份顧慮嚕～！！
雖然話呢個係一個新o既改變，但係佢o既離開同時又係另一個新o既考驗嚕～！！

至於今日個行程主力就係由佢安排，而我只係全程配合佢就已經可以啦．．．
約左大約3:00pm左右去佢到會合，及後就先同佢o係佢樓下吹左陣水先啦～！！
之後佢就提出話今日係出尖沙咀買野，所以我地又走左去搭270A喇～！！

由於佢買左部電話之後仲要買個殼，再者今晚晚餐o既食材又係要出去買．．．
所以我地就打算出到去就先行陣街，及後再買埋今晚ｄ野食返去就完美喇～！！

而車程間當然就先講下近日ｄ公事先，同時又會講下佢準備要走o既心情呢～？！
經歷左呢一年o既佢畢竟真係成長同改變左唔少，呢樣野亦都令我覺得開心嚕～！！

由起初一樣一樣野同佢執，去到宜家一年後o既今日已經唔使再點鬧喇．．．
呢種共同o既經歷的確係應該珍惜，或者呢種經歷亦係我同佢之間o既學習啦～！！
五年後o既今日揀左佢做『愛人』，希望我呢個決定唔會再一次成為悲劇啦～！？

至於我地出到尖沙咀之後，首先就同佢四圍去睇下有冇ｄ手機殼賣啦．．．
無奈行左好多地方都唔見有得買，所以之後佢就話轉戰去The-One買戲飛先～！！
事關近日有套大熱o既電影上左畫，咁佢咪要做定準備功夫同佢朋友去睇嚕～！！
無奈今日都未有星期二o既戲飛可以預訂，所以呢個計劃又係失敗收場啦～！！

由於兩樣計劃都接連失敗o既關係，所以佢就要諗過第二個方法去搞喇．．．
手機殼方面就諗住返去粉嶺或上水先再睇再買，而戲飛方面咪諗住上網訂嚕～！！
既然兩樣野都未能預期完成，最後一站當然就係去買今晚要食o既野返去啦～！！

其實佢有呢間屋o既秘密，至今都仍然係得我一個知道同埋係上過去啦．．．
而今次轉用呢個全新方式做Monthly Gathering，同時亦都係我地o既第一次啦～！！

至於今次Gathering方面o既安排，我地就決定左買大閘蟹同壽司返去花都食．．．
話晒早前每次o既Gathering形式都係出街食，所以我地今次就想一改其方式喇～！！

而且我地都同時覺得．．．
買野返去屋企整同埋食感覺唔錯，其實重點係可以方便我地兩個傾密計呀～！！
有時認真去諗一諗，其實我地兩個係咪都已經喜歡左用呢個習慣去相處～！？

至於買完我地要買o既野之後，我地又走去搭270A返入粉嶺繼續買野食啦．．．
而呢一轉要去買o既當然就係壽司同埋M記，同時我地仲要去買料煲薑茶唷～！！

而o係今次回程o既車程當中，話題就轉為傾下佢曾經應承過我o既野喇．．．
佢除左要繼續還要還o既野之外，我地原定計劃過要去o既地方都係時候傾下喇～！！

佢始終捱唔到去聖誕就要走，所以好多年底o既計劃或者都要取消喇．．．
不過．．．佢突然就同我講，話佢到時會同我出去玩下同埋影下相喎～！！

承諾始終係承諾．．．當然我就梗係希望佢最終會一一兌現得到啦～！！
但係有時候o既我又會諗．．．其實只要係人對o既情況下，一切都會係對嚕～！！
所有o既野最終係咪真正可以一一兌現得到，究竟又係咪仲係咁重要呢～？！

而一直都喜歡鬥氣o既我地，呢種相處方式對我地而言亦都確係好特別囉．．．
每一次傾到唔同o既話題都總係會有野拗下，但我地最終又係會拎到共識喎～！！

至於返到佢屋企之後，當然就係將個場交俾佢去處理下今晚ｄ野食啦～！！
之後就梗係正式開餐同埋傾計，而今轉傾o既野就包括公事同私事兩方面啦～！！

但當我地食食下野野講到約好明年之時，佢就突然間講到分開後o既關係．．．
佢話唔知o係佢走左之後，我會唔會又因為彈左ｄ新歡舊愛出o黎而唔理佢喎～？！
而我就答佢．．．既然係咁，佢係咪應該諗下點樣做先可以keep得住呢個位～？！

其實今日傾到o既野都有唔少，但今次就偏偏令我有一種感觸o既感覺嚕～！！
我諗令我有呢種感覺最大o既成因，主要係因為今晚o既地點同埋方法有唔同～！！

而呢種感覺．．．就係突然令我覺得佢係我屋企人一樣咁親切o既感覺呀～！！
同時今晚餐飯要煮o既野都係佢去搞，所以我亦突然有種好滿足o既感覺嚕～！！
呢一種可一不可再o既感覺，忽然間令我好想將時間就咁停左落o黎呀～！！

另外．．．
由知道佢走直到知埋佢o既last-day之後，我地都知道及後o既玩法又會唔同晒～！！
宜家呢種相處方式肯定會有變．而且佢亦都提到及後佢會搬返去粉嶺屋企住啦～！！
去到呢個地步．．．睇o黎我地又係時候適應一下要進入另一個新o既階段喇～！！

而現階段o既共識之下，我地都仍然覺得Monthly Gathering係必定會繼續落去．．．
雖則我地已經唔可以再日日見面，甚至通電話o既次數都會比宜家大為減少啦～？！
但係佢就話因為佢轉左台o既關係，呢個問題或者已經唔會係一個好大o既障礙～！！

至於近半年成日粉嶺同屯門兩邊走，不知不覺間亦都已經成為左一種習慣喇～！！
由最初完全o既唔熟路去到宜家叫做熟路，突然又令我諗起一ｄ曾經o既回憶～！！
而呢個新習慣亦令我有一種新o既感覺，就係我覺得自己好似有兩頭家咁嚕～？！

另一方面．．．
由於一眾同事都知道佢將要離開，所以另一個問題同時亦都洐生左出o黎啦～！！
從佢地近期問我地野o既口吻，我地可以更加肯定佢地已經睇到我倆o既關係嚕～！！
雖然我地平日o係公司好少有對話，但佢地都肯定我倆o既關係絕非表面所見～！！