＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

  
由於尋晚差ｄ同屋企人開火，而且又加埋阿仔話及後o既活動要改時間．．．
一連兩單野已經搞到我超級火爆，不過就住兩單野o既我都並冇嘈過人嚕～！！

因為呢個時間o既我選擇左落街冷靜一下，而且我又真係唔想講任何野嚕～！！
不過最終我就搵左屈姐落o黎陪我，去附近係咁兜圈行下同埋吹下水啦～！！

而今日一早返到公司，『愛人』就同我講話叫我今晚陪佢一齊食晚飯喇．．．
原因咪就係因為Marcus返左學校溫書，所以我咪又變左做陪佢食飯o個位囉～！！

雖然我地抽起晒全部人去私約都已經唔係第一次，但佢都仍然好驚死．．．
最初因為佢問得真係好鬼細聲o既關係，所以我都係及後先聽到佢想講咩啦～？！

其實我已經兩日冇訓過覺，所以我面口同精神方面都已經唔多好喇．．．
有見及此．．．『愛人』就問我係咪冇訓過，而我就叫做同佢過講下點解啦～！？

當佢知道我心情唔多好o既時候，其實佢都已經唔係好敢再搞到我火上火．．．
同時佢又問及我．．．點解我尋日唔開心落左街行，都唔打俾佢叫佢陪我喎～？！

至於今晚突約食飯就要事先做定安排，所以我地就要早ｄ傾掂今晚食咩啦～？！
起初佢係以為我一定要返屋企食飯，及後先可以再出o黎陪佢去食野啦．．．
所以呢個階段o既佢就有第一個諗法，就係話決定出新墟到食野兼去買杯啦～！！

及後到我話左我係可以唔使返屋企食之後，佢就即刻俾左第二個方案出o黎．．．
事因上次同佢落去元朗食過野之後，佢就一直都話想搵機會去某間餐廳食扒～！！
最終我地好快就傾好左揀第二個方案，所以放工後o既處理就同平日一樣嚕～！！

收工返屋企沖涼兼換左套衫之後，我就同『愛人』約好會合地點及時間．．．
佢今次真係好醒目唔敢玩遲出現，事因佢都知道我今日o既心情超級易著火～！！

大約6:30pm左右係Ｍ記等埋之後，我地就選擇左揀615慢慢搭落元朗啦．．．
佢初段都繼續問及我點解會咁火爆，咁我咪再一次同佢重申我o既諗法嚕～！！

其實今早o係公司o個陣，我都已經叫做同佢講過下呢堆相關性o既問題嚕．．．
再者佢都好清楚我一向做事o既方式，所以佢某程度上都好理解我o既心情啦～！！
我明白佢都唔想我下下咁易就興爆，不過我真係需要ｄ時間去冷靜下嚕～！！

另一方面．．．
佢同得我一齊食野少不免亦會講埋公事，不過呢排情況已經叫做好左ｄ啦～！？
事關玩野o既人已經少左好多動作，而佢又已經有一個唔係走就升o既心態喇～！！

至於今晚有傾到o既另一重點話題，竟然就係傾返佢o既生活態度問題喎．．．
佢話近呢兩個月時間，佢儲到o既錢竟然係比佢自己早前預算o既多出一截喎～？！

其實關於呢方面o既事宜，我同佢都覺得個數係的確令人有ｄ意外嚕．．．
因為佢自八月份封左quota之後，及後呢個月o既活動或飯局數目都係好少嚕～！！

對比返佢以前o係粉嶺o既表現，自佢過左o黎屯門之後又真係有好大改變．．．
除左o係活動數字同儲錢方面見到ｄ野之外，佢心態上明顯都已經係唔同左嚕～！！

至於o係食完飯之後o既時間，我地又選擇搭返615返去寶田繼續傾計啦～！！
不過上到去真係叫做傾左一陣之後，我地及後就決定一齊開電腦睇電影喇～！！
我地最終揀左睇〝潮性辦公室〞，最後仲睇到Marcus返埋o黎都仲未睇完呀～！？

三個人一齊睇埋個埋尾之後，我地就決定陪仲未食野o既Marcus落樓食野啦．．．
而o係呢轉三個人一齊食野o既過程當中，我同『愛人』又有野覺得意外喇～！！

因為今晚當中講到『愛人』要去大埔考試，所以佢就要問我點樣搭車啦．．．
咁我最先都係諗到火車或73及73A啦，不過我最終都係決定聽日先俾答案佢～！！
呢個時間o既Marcus就差ｄ見到我o既功力，再者『愛人』都叫佢唔好挑戰我～！！

至於令我同『愛人』都覺得意外o既重點表現．．．
就係Marcus真係好喜歡我，而且佢仲成日叫我落上水搵佢一齊去食好野喎～！！
而且今次呢餐宵夜埋單之際，Marcus突然間主動話呢次由佢請我食添呀～？！＠＿＠

其實早前已經聽到『愛人』講，話Marcus成日問及我同埋好想約我食飯啦．．．
而今晚又不謀而合俾佢見到我兼食埋野，咁呢個願望係咪又叫做已達到左呢～？！