＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今晚約左大妹同埋Angela一齊食飯，而呢餐飯o既主因就係幫Angela補祝生日啦．．．
由於我地三個呢個月都好忙，所以佢o既補祝飯局就唯有定o係月尾啦～！！

至於今次餐飯就由大妹決定，而我就o係收工後約好埋阿妹先一齊出去啦．．．
因為Angela今日都要返工，所以我地就夾好晒時間等佢由荃灣返o黎至去食飯啦～！！

而o係食完飯之後，佢地就話想o係市中心入面行下街同買ｄ野先喎．．．
及後就仲因為我地覺得未食飽野o既關係，所以Angela就話想去食埋糖水啦～！！

我地三個都已經一段時間冇見，不過今晚o既主打就梗係佢地兩個啦．．．
因為佢地呢兩個妹妹仔一坐埋好就好多野傾，而我就o係適當時候講返兩句嚕～！！

其實今轉大家所講o既話題，主要都離不開係同感情上或工作上事有關啦～！！
話晒阿姨單野搞到咁轟烈，所以少不免係會俾大家探討同埋用o黎做借鏡o既～？！

而我今次同大妹見得面，當然都有同佢提到返早前想搵佢傾o既野啦．．．
同時日前關於阿仔同『愛人』已會面一事，我今晚亦都有同佢提及過啦～！！

大妹同我講左幾個例子，又借左一ｄ過往o既事宜去同我探討過啦．．．
而我地三個都覺得．．．感情o既實在真係時間同o既長短唔一定成正比囉～！！

佢話今日o既呢種新鮮感同衝擊感，只係因為我地宜家好真實咁去做緊．．．
而過去o既我好可能都有住同樣o既經歷，只不過呢ｄ經歷就已變成左回憶啦～！！

其實佢地都各自有住佢地o既優點，同時佢地俾我o既野亦都係唯一唷～！！
因為佢地各自俾我o既野都獨有，而對方都係唔會同我有住同樣o既經歷囉～！！
而曾經o既同步感覺．．．只係由昔日o既某君，變為今日身邊o既另一人～！！

茫茫人海當中．．．個天注定係要兩個人相遇，或者呢種就係一種緣份啦～！！
兩個人o既距離可以拉近，其實都只係全憑自己內心o既一種感應去認定嚕～？！

因為我地都確信二人o既相識相知都係一種緣份，所以好多野只可以用心領會～！！
至於兩個人之間o既共鳴感會令彼此變得相知，呢種感覺其實都係冇得解釋o既～！！
所以當我地遇到呢種緣份o既時候，我地就更加要懂得去珍惜同捉緊呀～！！