＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今日一早返到公司，就俾『愛人』問我尋晚做咩唔online啦．．．
最初我以為有咩緊要事發生左，搞到佢等左我成晚而又係非傾不可啦～？！

由於我早前已經同佢講左，我呢一晚會有約而唔o係屋企啦．．．
點知佢就以為我只係唔得閒，而唔係知道我有事要外出而唔o係屋企嚕～！！

當佢問及到我尋晚去左邊同做過乜，我咪照常咁答佢話去左睇演唱會囉～！！
及後佢又問到我幾點返到屋企，而我又好平常咁答佢大約12:10am左右返到～！！

正當大家夾緊個時間之際，佢就竟然話我去街去到咁夜先返屋企嚕～！！=.="
因為正當我搞好晒野去開MSN無耐之時，就係佢o岩o岩閂左部電腦之際嘛～！！

佢突然間講左ｄ平時由我講o既對白，搞到我都唔識得俾反應佢呀．．．
佢同我講．．．話夜訓係會對身體唔好，要小心保養一下自己副偈喎～！！=.="
明顯佢就係想話俾我知我平時唔喜歡佢夜返，但佢今次又抽稱到我夜返啦～？！

另一方面．．．
原定陪佢收工之後去剪頭髮同食飯o既計劃，就要聽晚改期至今晚啦～！！
因為阿俊又同時想約佢出市中心，幫佢揀份禮物送俾佢女朋友做周年紀念喎～！！

突然又殺多個人出o黎，我地無奈都要就埋佢夾好個時間啦．．．
因為阿俊同我地出去食飯買野呢件事，佢又唔係好想預埋肥仔一齊出去喎～！！
但係『愛人』又唔想日日收工都出街，所以最後先將個期改至今晚唷～！！

捱到收工就同『愛人』先行一齊走，因為我要陪佢去左剪頭髮嘛．．．
至於阿俊就收工之後先o黎會合我地，不過呢轉約出街就真係夠晒頂癮呀～！！

由於我同『愛人』係一齊行o既關係，所以我地又再次公私兩談啦．．．
公事就梗係講下近日ｄ新聞同人事，私事就繼續講下其他幾個同事o既問題嚕～？！

至於重點問題．．．就係佢要同我拗數，話我唔俾佢夜返及減少北上等問題～！！
我知道我一俾佢捉到呢次，佢就肯定有排話我兼可以承機同我講數囉～！！=.="

而o係我陪『愛人』剪緊頭髮之時，阿俊及後就到左會合埋我地啦．．．
等到『愛人』搞完晒之後，我地三個就齊齊去左食飯同行街買野喇～！！

食飯之時就點都會講下公司事，而且佢地兩個又再一次講緊北上計劃喇～！！
近日佢地o既表現真係令我有ｄ擔心，再咁落去就肯定連『愛人』都會出事～！！

好多野既然係已經預計到，咁不如早ｄ做定ｄ準備功夫去避免問題發生．．．
而o係今晚同佢o既MSN對話當中，我真係睇到我同佢睇野o既角度有好多唔同嚕～！！

我唔想為左某ｄ不必要o既人去同佢嘈，亦唔想再為呢ｄ事而去傷害呢段關係～！！
自問我自己要做同應該做o既都已經做左，最後要點做就睇佢自己o既造化啦～！！