＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
經過左數日o既慶祝之後，今日先抽ｄ時間做返下自己野．．．
而尋晚就已經留左o係屋企，叫做同屋企食左餐飯當慶祝自己生日～！！

雖然今次冇咩特別野食，不過我都係至在同屋企人食餐飯啦．．．
至於今日早上就一早要起身，因為我要過去富泰睇阿仔同細佬打波呀～！！

其實打波呢ｄ野就唔係好o岩自己，不過睇人打波就冇乜問題o既．．．
一早起左身兼執下個樣之後，就搭車起程過去目的地搵佢地兩個啦～！！

不過中途就竟然收到阿仔來電，話佢地場波因時間問題而延誤左．．．
因為我地o既原定計劃係唔使我去睇，而我亦都只係負責一齊去食下野啦～！！

到睇完佢地打波之後，阿仔就因為要返去家庭日而要先行離開啦．．．
而我就同細佬去左食野兼傾下計，同時我今日o既責任其實亦都係呢樣野嚕～！！

由於細佬自上年九月之後，就好一段長時間再冇現過身o既關係．．．
所以阿大先特意安排呢場波，兼且叫我出場同佢傾下野兼睇下係咪有咩事～？！

同細佬傾左一排計之後，我終於知道佢o既問題來自邊一方面喇．．．
由於霖櫻之後打算去英國做交流，而且佢屋企o既經濟負擔又唔細係啦～！！
除左要擔心佢離港呢段時間o既問題外，同時金錢亦都係問題之一啦～！！

我可以理解佢o既立場同埋心情，畢竟兩大問題自己都經歷過啦．．．
所以就住有關問題亦都有俾過意見，同時亦希望佢唔好成日收收埋埋自己啦～！！

另一方面．．．
今日聽到佢話煙酒方面都減左，其實呢個的確都係一個好消息啦～！！
畢竟佢都因為呢個問題而俾掛牌嘈過，而佢宜家又肯的起心肝去戒左喇～！！

同時．．．
我都有大約咁講下自己o既近況．又同佢講下家族上稍後o既計劃啦～！！
趁稍後大家仲有時間可以聚頭o既，我都希望佢可以盡量出席有關活動啦～！！

至於夜晚時段方面，我就約左『愛人』去佢o個邊陪佢傾下計啦．．．
雖然佢都已經玩左三日，不過佢o既心情方面仍然係需要ｄ時間去調適下喇～！！

而今晚傾到o既野，主要都係圍繞住我同佢之間o既各種問題啦．．．
除左近日已經出現o既問題之外，我地身邊o既人同事亦都有簡單咁去傾過～！！

兩個唔同世界o既人可以拉埋一齊，其實已經係一件唔容易o既事喇．．．
畢竟大家o既性格同喜好都有差異，所以真係要做到交心呢點或者先可以改變～？！
而我地中間亦都真係付出左唔少努力，先可以去到今時今日呢個階段啦～！！

或者佢今晚都講得o岩o既，兩個人之間o既肯定唔係淨係單睇年資．．．
好多人可以一拍即合，同時又有好多人識左好多年都可以係唔太交到心嚕～！！
就係因為人係會變o既關係，所以感情亦都未必有永遠或者絕對嚕～！！

而o係每一次同佢o既對話當中，慶幸我都係會有唔同o既得著啦．．．
其中除左聽到佢o既想法同埋心態之外，另外就係一次一次咁拎到共識～！！
始終兩個唔同世界o既人要維繫長久，我相信共識真係一個好重要o既要點～！！
 
絕對

共誰玩　共誰做伴侶
進步到　某一點　熱情就會退
自然散去　茶涼掉　淡似清水
命途上　問誰是絕對
注定脈搏相通　十年又過去
廿年過去　仍然是未變的一對

就算全個世界　亦都失去　他也在這裡
全場突然寂靜　他都給我衷心的讚許
就算誰愛過我　又給收去　他熾熱不退
旁人視為負累　他偏不覺苦　靜心等我歸去

沒承諾　續廷萬萬歲
要是合約　一方食言　就破碎
善男信女　誰情義　歷劫不衰
若緣份　易來又易去
結伴大概只因　暫時被配對
在人際裡　誰才是被愛的根據

就算全個世界　亦都失去　他也在這裡
全場突然寂靜　他都給我衷心的讚許
就算誰愛過我　又給收去　他熾熱不退
旁人視為負累　他偏不覺苦　靜心等我歸去

就算全個世界　亦都失去　他也在這裡
如何亂行亂撞　他都准我隨時回去睡
就算誰愛過我　又給收去　他熾熱不退
如何大成大敗　他的寵愛中　亦都只有一歲

共誰玩　共誰做伴侶
進步到　某一點　熱情就會退
共同進退　唯獨是父母這一對