＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

  
今日係四妹生日，所以我好早就已經send左Msg向佢道賀啦．．．
由於佢並冇安排過任何期俾我地，所以家族亦冇搞到任何活動去慶祝喇～！！

至於踏入六月份之後，除左要繼續忙於阿仔o既各項事宜之外．．．
另外．．．我同『愛人』o既Monthly Gathering會面，就安排左o係今晚啦～！！
而近月o既Monthly Gathering人數，亦已由原定o既三個人變為我地兩個就算喇～！！

畢竟中間發生左好多野，而且大家心裡邊亦因為呢ｄ事改變左其定位～！！
所以呢個調整o係我同『愛人』傾左之後，就正式落實去行相關o既安排喇～！！

而日前Tina就因為『愛人』快將搬o黎屯門一事，向我問過有關問題啦．．．
不過正正就係因為呢個未夾口供o既問題，『愛人』又俾我話左一轉呀～！！＞＜”

佢早前同我講o既時候就叫我唔同人提，點知佢自己又同Tina佢地講左喎．．．
最無奈係．．．佢同其他人講左又冇通知到我，搞到我同佢口供有出入呀～！！

至於今晚o既會面時間同地點，同以往一樣係晚飯後於佢屋企樓下見啦～！！
雖然今晚天氣唔係太好且有住雨，不過我地o既計劃就並冇受影響啦～！！
咁稱得上叫做Gathering呢，當然除左要傾野之外就梗係要去食下野啦～！！

而呢次o既Monthly Gathering個期，出奇地係『愛人』日前主動問我拎期呀～？！
一向唔去到俾我鬧同迫都交唔到期出o黎o既佢，今次o既主動的確令我意外～！！
同時由佢五月份開始o既一連串表現，我突然間覺得佢真係變左好多咁～？！

另一方面．．．
雖然佢近日繼續有好o既表現出現，但係低級錯誤亦都同時犯左一大堆啦～！！
當然就住相關o既問題，今晚我亦都有同佢提及過而且有再勸過下佢啦～？！

其實貪玩唔係一個咩大問題，但係做人做事係咪都應該有個節制呢～？！
我唔希望佢各個問題都係走向極端，唔係話一係就唔做；一係就去到盡嚕～！！
同時我地亦就住呢個問題達成共識，佢需於八月開始調整其生活態度～！！

至於有關佢快將搬屋一事，我地今晚亦都有提及過其相關問題啦．．．
當中所有o既利弊已經同佢分析過晒，同時我亦都終於知道點解佢要咁做喇～？！
既然佢真係想試下過ｄ獨立o既生活，或者呢個轉變都唔係一件壞事o既～？！

佢呢個住屯門o既安排，暫時知道只會係適用於平日一至四o既開工日．．．
而其他時間就會返去佢原居地，所以呢個亦只係好似一個宿舍形式o既存在嚕～！！

至於我地o既關係同埋相處方式方面．．．
莫講話我地即將會住得近左，就算宜家咁o既情況都已經見得咁密o既話．．．
佢都覺得．．．日後我倆會面o既機會同次數，肯定會比宜家變得更多更密嚕～！！

其實今晚傾過o既話題都有唔少，除左上面提到各個正經話題之外．．．
同時就住各同事o既關係及定位都講到，而且又講過下ｄ娛樂新聞等範疇啦～！！

而o係傾計期間．．．佢另一間屋o既所在地點，今晚亦都已經正式揭盅喇～！！
同時佢又將佢手機入面o既部份相，好似係想透過俾我睇而去同我講ｄ野咁～！？

至於最後重點要傾o既話題，當然少不免係講到愛情同埋關係o既野啦．．．
我都明白．．．人係可以改變身邊o既人，當然愛情呢樣野就更甚啦～！！
至於佢宜家o既生活模式，或多或少都係因為佢愛情路上o既經歷而令到佢咁～！？

而當中除左講到佢o既感情事之外，今轉佢都有調返轉問到我感情事o既野喎～？！
佢突然間變到好語重心長咁同我講，叫我係時候搵返個女朋友陪下自己喇．．．
眼前呢種生活模式始終要改變，而我身邊o既佢地亦唔可能陪到我一世唷～！！
父母始終有一日都會離開我，而佢又話自己咁唔健康就應該會死先過我喎～？！＞＜”
唔知點解．．．講到呢部份問題o既時候，我忽然覺得既感動又感慨囉～！！

至於講到關係及定位兩方面，佢都認同關係同感情要有突破係需要經歷．．．
當然雙方o既關係同感情上o既維繫，同時都係需要有互動式o既溝通啦～！！

經過近呢段時間o既相處，我地亦都就住傾到o既話題逐一咁拎到共識啦～！！
其實呢個應該係叫做進步，不過現實中亦都有句話叫”因了解而分開”啦～？！
佢話佢o既優缺點已經差唔多見底，所以呢個問題已經唔會成為憂慮喇～！！
因為只要我已經接受晒佢ｄ缺點o既話，咁樣就應該唔會因分歧而分開喇喎～！！

開心o既時間永遠都係好快就過去，我地傾到差唔多11pm左右就準備要散喇．．．
而o係佢送我去車站期間，佢話佢今年會送份生日禮物俾我且會同我去遊巴士～！？

呢個特殊o既關係同埋身份，唔經唔覺都存在左已經好一段長時間喇～！！
由起初佢突然間熱情o既出現，去到今時今日大家開始傾心事同秘密o既關係．．．
回想返起都真係覺得好搞笑，但係佢就話呢ｄ野就叫做緣份同埋整定喎～！！

因為一切就由大家o係人事部撞見開始，及後佢又真係入職我地部門．．．
而佢首日o黎到我地部門報到，第一個見到o既人竟然又係曾經見過o既我嚕～！！
至於諗返起佢今晚就住呢樣野o既演繹，我真係覺得佢好生鬼同骨痺呀～！！