＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
一連三日半o既廣州之旅話咁快就完左，今日亦都要返o黎準備明早開工喇～！！
數日唔o係香港就應該會有事發生，所以我主力都係問返ｄ應該要問o既人啦～！！

阿仔話呢幾日都冇哂特別事，不過『愛人』就搵左我幾日都搵我唔到喇．．．
事關今次離港o既安排只有阿仔一個知道，而我就並冇o係事前通知過其他人啦～！！

今日返o黎食完晚飯之後，果然就一如以往咁收到『愛人』來電啦．．．
佢開聲第一句就話我終於都肯開電話喇，咁即係證明佢呢幾日都有搵過我啦～？！

而佢呢幾日o既行程亦都相當之爆滿，主要都係玩同埋約左人出街啦．．．
單單係佢呢幾日亂晒籠o既生活模式，其實就已經夠俾我再鬧多佢一轉啦～！！＞＜”

另一方面．．．
佢今晚亦都已經同我講到，話佢正式放棄追求佢心目心o既女神喇～！！
雖然我唔係好清楚知道內情，不過大致上o既問題都有聽佢講同埋估到ｄ野嚕～！？
畢竟好多現實中o既問題係要面對，或者呢個就係佢選擇放手o既原因啦～？！

至於今晚另一個令我覺得好爆o既消息，就係佢竟然同我講話要搬o黎屯門～！！
而佢有呢個咁突然o既決定，無疑係令到我覺得好愕然同埋覺得憂慮啦～！！

佢眼前已經夠多問題要解決同面對，宜家又突然整多一個問題出o黎喎．．．
而佢原本同屋企人一齊住得好地地，無啦啦又話要搬出o黎同朋友一齊住喎～？！

雖然．．．佢口口聲聲就同我講，話係時候要試下過ｄ獨立o既生活呀．．．
不過我好肯定佢背後係仲有其他因素，而唔係單單因為返工好近o既原因囉～？！

唔知點解．．．
聽完呢個消息之後，我就更加覺得內心o既矛盾感反而o黎得越來越重呀～！！
既然原本o既生活模式同習慣都好好地，點解貿然要做個咁特別o既決定呢～？？
就算佢係唔想同佢屋企人一齊住，佢大可以住過去佢粉嶺另一間屋喎～？！

而就住近日o既各個問題，我亦都已經再一次同佢傾過同埋話過佢啦．．．
同時因為呢種令我好不安o既矛盾感，我亦隨即打俾阿仔同佢傾過下啦～！！＞＜

經過今晚呢轉同佢o既對話之後，忽然間令我有點兒無奈同感慨呀．．．
我開始覺得『愛人』o係處理生活問題上，真係令我有唔少不滿o既地方呀～！！

我知道佢已經咁大個人，要去落實任何決定都冇人可以阻止佢啦．．．
不過佢近日o既表現真係令我覺得佢唔得成熟，而且亦唔似我以往好欣賞o既佢～？！
我真係好擔心佢o既缺點再係咁多落去o既，及後o既影響就會陸續咁浮現喇～！！