＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今日下午食完個lunch之後，就換衫準備出去葵芳到拎車啦．．．
點知一落樓行去巴士站之際，就俾我撞到『愛人』假日加班後收工唷～！！

離遠咁打左個電話俾佢，之後佢又離遠咁同我打招呼同埋揮晒手咁．．．
隨後o係一個咩都冇講過o既情況下，我地就各自去搭要搭o既車閃人啦～！！
幾時都話『愛人』生動有趣呢一面係最好，就咁見完佢都真係識笑一笑呀～！！

出完去拎車之後，我就打俾『愛人』問下佢稍後時間有咩要搞啦～？！
佢話佢同朋友食緊野同埋吹水，陣間冇咩特別野做就應該會返屋企嚕～！！

到搞完我ｄ野之後，我就走左去搭278X入去粉嶺搵佢傾下計喇．．．
大約3:30pm就去到佢樓下，點知打俾佢之際就係佢o岩o岩去訓覺之時嚕～？！

我都只係要等左佢一陣間，而佢亦都好快咁就自動出現左o係我面前喇．．．
期後就o係佢樓下搵個地方坐低傾計，而主題就係講下佢今日返工o既事啦～！！

佢話今朝7:30am就要起身返工，而且返到去又忙左成個上午喎．．．
所以佢同朋友食完野之後就諗住去訓陣，不過呢個時間o既我又到左喇～！！

分別講下公事同今日o既事之外，另一重點就梗係講下我地私下o既野啦．．．
盡量把握時間同埋機會去了解佢，所以我都會透過平日佢ｄ生活細節去玩問答～！！

而且經過近日一單公事之後，我終於都知道佢o既底線同埋忍耐力去到邊嚕～？！
傾野傾到咁上下時間之際，佢突然就話佢覺得好口渴想去買ｄ野飲下喎～！！

至於o係買完野飲之後，我地就繼續傾返我地未完o既各個話題啦．．．
當我地講到影相呢部份o既時候，我又再一次同佢講明唔好再delete相啦～！！
免得日後要搵返o既時候又搵唔到，所以呢轉我地又傾左個新共識喇～！！

佢話呢轉之前我要求要搵返o既相，佢都會先幫我搵返o黎俾我留底．．．
但係其後要搵o黎留底o既話，就要以先到先得o既方法去問佢拎喎～！！＝．＝”
如果我問佢係先過佢delete的話就會留俾我，如果係相反o既唔會幫我搵返喎～？！

至於下半年度o既飯局即將陸續出現，而佢未來亦都有機會參與其中．．．
講到我生日想要佢錄返首歌俾我o既時候，佢就話凡係同唱歌o既都唔可能喎～！！
傾到大約6:00pm左右o既時間，我地就真係要正式完結今日呢個會面喇～！！

而o係我地準備分開之際，最後一個唔知係笑話定問題就出現喇．．．
因為路上佢有個朋友突然殺出，而且仲問左佢一條令我都好突然o既問題啦～？！
佢朋友除左同佢打個招呼之外，另外仲好出奇地咁問佢，咦．．．你細佬呀？＠＿＠”