＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

宜家轉左返工時間之後，基本上同Tina姐o既放工時間係一致啦．．．
所以我地呢排多數都會約埋一齊走，因為可以方便我地傾下計嘛～！！

今日收工都係繼續約埋一齊走，原本只係諗住路程中可以吹陣水啦．．．
點知陪佢等小巴返上水等左近兩粒鐘都冇車，所以最終就變埋飯局添啦～！！

其實我地所傾o既野，多數都會係圍繞返公司o既人同埋事啦．．．
至於『愛人』就更加成為我倆間o既話題，因為佢o既出現真係改寫左好多野～？！

經過上次好正式咁同『愛人』傾完之後，呢排o既感覺又好似怪怪地咁～？！
雖然o係同佢傾之前o個晚，我已經同Tina傾過晒相關o既問題同埋聽埋意見啦～？！

我覺得『愛人』o既問題其實唔嚴重，只要佢肯稍微改善下就已經冇問題喇～！！
而我亦於事後知道，原來Tina聽完我講野之後就竟然send左段SMS俾『愛人』嚕～！！

雖然直到宜家．．．我都仲未知道佢講左ｄ咩，但我可以肯定o既係正面嚕～？！
或者就係因為我表明左立場，所以佢地對我o既態度就比從前o黎得更好更真啦～！！

同『愛人』初起o既呢段關係，對我o黎講的的確確係一個好大o既考驗．．．
雖然佢o既性格係好得我o既歡心同欣賞，但呢種感覺同時又令我覺得好唔實在～！！
我唔知道點樣形容呢種內心o既忐忑，而我只係知道自己唔想再面對失去o既感覺～！！

而今晚同Tina傾過晒大家o既諗法同睇法之後，佢就叫我相信『愛人』一次喎～！！
既然佢呢段時間都開始見到佢有改變，咁樣就當係俾個機會大家繼續相處落去～？！

無疑．．．我係睇到『愛人』係有努力過，而我亦都覺得自己係應該俾機會佢～？！
但係佢o個種唔踏實o既外在個性又真係令我好亂，好難令我對佢有好大信心～？！
咁到底我應該相信佢同繼續努力維繫，定係應該趁有理智就選擇抽身呀～？！＞＿＜