＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
尋晚玩到較夜時間先散，但係今早又要早起返公司參加活動日喎～！！
搞到o係一個唔知醒o既情況下彈起身，好快咁執左個樣就要即閃返去～！！

一落樓就收到『愛人』來電，叫我快ｄ返去公司canteen會合佢啦～！！
原來佢一早就已經返到屯門，所以就打左成朝電話俾我想約我同佢食早餐～！！

好快咁趕到返公司之後，第一件事就梗係去搵左『愛人』先啦．．．
過後冇耐等齊埋其他相關o既同事，我地就要正式開始今日公司o既活動日喇～！！

今日都玩左好多個遊戲，而且各部門o既同事都玩得非常之投入啦．．．
所以今日o既整體感覺同氣氛，都冇我之前所預計o既咁討厭同埋無奈囉～！！

至於玩完一輪game之後，我就o係公司食埋個自助buffet兼同『愛人』傾計～！！
到我地都差唔多食飽飽之後，佢就叫我陪佢行出去市中心搵佢ｄ朋友唷～！！

而今日我地o既碰頭，其實都先後講左唔少o既話題同埋提出各種問題啦．．．
就住種種o既問題都有過分析，而且我亦已經再一次表明自己o既立場啦～！！

我知道好多問題都係冇辦法解決，所以我地就只好面對同埋等時機去解決～！！
至於我同『愛人』之間私下o既問題，就的確需要更多時間去做進一步了解囉～！！

無疑佢o既出現係一個新o既改變，但係佢始終都未係好了解我o既作風囉～！！
所以佢要同我建立到有真正好o既關係，的的確確仲係需要一段好長o既時間呀～！！

雖然話佢已經係正式出左牌，但距離佢可以真正上牌係仲需要某ｄ經歷囉～！！
其實就連我自己都唔知，我地呢個建立得較快o既關係到底係好定壞呀～？！＞＜”

因為．．．我真唔想悲劇再一次出現，再一次令到自己覺得失望同傷心～！！
或者就係因為過往一ｄ唔開心o既經歷，所以佢就必須經過考驗先可以上牌啦～！！

三個月o既時間話長唔長，話短亦都唔短，而呢個亦都係佢第一個考驗喇～！！
我知道佢已經有所改變，或者呢個轉變就係佢所講o既遵守自己對我o既承諾啦～！！

一邊行去市中心就一邊傾計，佢話自己都知道做我『愛人』係好幸福．．．
而且佢又話我對佢好好同埋有唔少優點，所以佢覺得佢應該要更加珍惜我嚕～！！