＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
等左已經有三星期o既時間，今晚就終於同阿仔約返個飯局見面喇～！！
由於佢今日先正式考完所有試，所以我地就將個期擺o係今日囉～！！

而呢個月發生左o既所有大事小事，我地今日都有一一咁分享過啦．．．
一早就收到阿仔個Msg話個電話跌壞左，所以我就先幫佢搵料同叫佢去整～！！
因為呢部電話至今都未夠一年，所以我地都唔期望佢會咁早就退役嚕～！！

至於今日行程方面，大約２ｐｍ左右我就先去到城大接個仔放學啦．．．
無奈個仔又因為要開會o既關係，所以我就要等佢等到３ｐｍ先可以走得～！！

期後我地就先去又一城食左個Ｍ記，同時趁呢個時間就講左部份野先啦．．．
呢個時間主力都係交代返近日家族事宜，以及下周唱Ｋ活動o既程序安排啦～！！

講完左部份事宜之後，我地就去搭車落尖沙咀行街兼食晚飯啦．．．
不過未食晚飯之前o既時間，就梗係爭取時間繼續傾計同埋睇下有咩好買啦～？！

點知當我地今日講開”巨聲”之際，就竟然俾我地見到其中兩個二幫成員喎～？！
諗住去THE-ONE睇下有咩新衫買俾個仔，但就見到胡鴻均同埋吳業坤喎～！！
哈哈～原來佢地兩個真人同埋上鏡個樣，簡直可以話係冇咩分別呀～！！

幫個仔添置新裝就係每年都會做o既事，所以我地都有就住呢個問題傾過啦～！？
因為每年下半年度o既活動始終都係比較多，而且本年下半年又要去飲呢～！！

行完左THE-ONE之後，我地就轉戰左去尖沙咀碼頭一帶睇野啦．．．
因為我要去睇下稍後係咪有車要出，點知o係呢到又俾我撞返80M個老闆喎～！！
由於下星期一將有新車推出，所以我就叫左老闆幫我留返起一套唷～！！

而到左今日最後晚飯o既安排方面，我地都係揀返去THE-ONE到食野啦．．．
畢竟呢個係新場兼且又未試過o係呢到食野，所以我地就一致有呢個決定喇～！！
而且我地仲講好左部份計劃，想話稍後試下去其他新場到食野同埋睇戲呀～？！

另一方面．．．
就住掛牌方面o既出牌及調動o既問題，我今日亦都有同阿仔作過交代啦～！！
因為隨住『愛人』o既登場，好多問題亦都將會陸續出現唔少改變囉～！！

透過唔少o既對話同埋日子o既相處，阿仔肯定係最了解我o既一個喇．．．
除左佢本身都清楚我o既個性之外，我今晚亦講左個冇人知o既秘密俾佢知～！！

就住唔少話題去探討同分享，今晚又係一個難得o既晚上啦．．．
至於o係最後回程o既時間途中，就到佢爆左一個令我聽左都覺得感動o既事～！！
估唔到．．．佢早前真係有為左兌現承諾，而真係走左去學琴呀～！！^.^

雖然最終都未能真係成事，但佢有呢個心就確係已經好難得喇～！！
同時就住佢參加歌唱比賽及下周唱Ｋ一事，我地都有傾過相關話題啦～！！

而身邊當中人情o既改變，同時亦係今晚最後一個壓軸話題啦．．．
相信佢咁樣同我傾得咁多感受，亦都表示佢已經感覺到其相關o既問題喇～！！
或者．．．呢一堆一堆o既問題，都係我地成長路當中必須面對o既事啦～！？