＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
新一年第一件事就係回歸車壇，而呢個方向所換o黎o既代價就係破產囉～！！
而今年o既方向除左車之外，其他o既年度計劃亦已經叫做差唔多做好晒喇～！！

上年o既活動次數係歷年o黎最差o既一年，相信今年會比上年更差呀．．．
睇返本年所有活動計劃，好多都係因為上年未能如期完成而延至本年度嚕～！！
咁當然．．．今年都同樣有今年o既計劃，同時都希望可以一一完成到啦～！！

過左新曆新年已經有八日，今晚終於都到個仔正式出場同我見下面喇．．．
以往都做開埋尾兼埋打頭陣o既佢，呢個情況今年就已經開始不再喇～！！

至於今晚呢個飯局o既約會，雖然我地約左７：３０ｐｍ先去到市中心．．．
不過我地兩個都竟然係早到左，所以時間上就可以多返少少去傾下野啦～！！^.^"
由於今晚個飯局可以早ｄ開場，咁我地就梗係把握時間傾多幾個話題啦～！！

雖然話呢年只係過左幾日咋，但係呢幾日都已經發生左唔少問題喇．．．
同時我又想藉呢個機會同個仔傾下我地ｄ私事，以及總結返上年各項事宜啦～！！

上兩年o既我地都有唔少突破同玩特別，而今年我亦希望自己繼續做到啦～！？
至於個仔今年係咪可以再有咩突破o既表現，佢亦已經同我講左佢o既立場～！！

呢到可以俾到佢o既機會、各方面協助同埋發揮空間會繼續俾佢．．．
直到聽完佢講佢o既諗法之後，我亦清楚知道我需要點樣調適我o既心態喇～！！
或者早ｄ調適定都未必係件壞事，因為最起碼我未必會因為失望而唔開心嘛～！！

 
另一方面．．．
早前個仔就去幫我買左部巴士，而今晚佢都同時拎埋o黎俾我啦～！？
而呢部新車就同時成為２０１０年度，佢送俾我o既聖誕節禮物呀～！！^.^"

至於o係飯局之上，我地所傾o既野主要都係近日家族上o既問題啦～！！
同時間佢又同我講過下佢近日o既家事，以及佢都需要面對o既各種問題啦～！！

隨住其他幾個前掛牌離開後，無疑各種重擔同責任就落左o係佢身上o既．．．
而我地都清楚明白到，好多生活上o既唔願意都係我地冇得選擇唔去面對嚕～！！

至於家族上o既架構，我相信近呢兩三年都唔會再有咩大型調動o架喇．．．
因為經過左咁多年時間，真係可以換同埋要換走o既人相信都已經換走晒喇～！！
而換入左為現役o既掛牌成員們，相信其中都唔會有邊個需要再甩走嚕～！！

而我地需要面對o既另一難題，其實就係我地o係時間上o既協調喇．．．
假期過後o既佢又再開始要忙，而我就繼續過住我忙碌o既工作生涯囉～！！
所以打後好多想做o既野，都要趁住佢放長假o既時間先可以落實有關計劃嚕～！！

睇住個時間表去做人呢個習慣，都已經唔係我第一年要去做o既事喇．．．
而特別傾到呢個問題o既時候，我地都知道我地同時需要明白對方o既需求～！！
有時候企o係對方立場去睇個問題，或者自己會更知道自己應該要做ｄ咩唷～！？

至於今晚o既重點話題，其實我係想向佢致謝佢於上年度陪我所做o既一切～！！
當個仔問到我上年o既眾多計劃當中，有冇７０％係可以如期完成到o既時候．．．
而我就只可以答佢．．．能夠如期完成o既，其實都已經先後叫做完成左喇～！！
同時絕大部份想於呢年完成o既事情，都已經由佢去陪我完左呢ｄ心願喇～！！

另一方面．．．
上年度o既三甲人選已經定左，而佢當然繼續留守呢個好重要o既位置啦～！！
透過呢個星期同各人o既對話，我亦同時開始睇透左某ｄ人生o既道理囉．．．
或者時間可以俾各位知道我o既改變，之後就會明白我點解今年會開始咁做喇～！？

最後．．．我問左個仔幾條問題，希望佢可於稍後時間俾個答覆我啦～！！
相信透過佢之後o既答案，我可以更清楚知道未來o既計劃定向應該要點做呀～！！