＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
事隔左接近一個月o既時間，個仔雖然仍舊要為佢o既考試而忙碌．．．
但係佢都已於早前主動提出約期，我地今晚終於可以見下面同埋傾下計喇～！！

放工之後就先返屋企放低ｄ野，期後換過套衫就出去屯西會合個仔啦．．．
由於呢一個月時間之內發生左唔少事，而且期間亦令我諗過唔少問題啦～？！

所以呢段時間，我都有考慮過眾人o既意見話係時候出手去考驗下佢唷～？！
呢個仔果然冇令我失望，而且我仲透過今晚o既對話搵到ｄ想知o既答案嚕～！！

身邊一直有唔少人提供意見，希望我可以從多方面向佢入手啦．．．
但我值得高興o既係．．．佢唔需要人去通水幫佢，自己都可以有能力解決～！！

過程中雖然提出唔少問題，同時佢又觀察到我同平時玩法有ｄ唔同啦．．．
但係佢今次竟然識同我講數，佢答完我問題之後就要我講返其原因喎～！？

咁證明左經歷係可以令佢成長，而且佢o既個性亦係個肯去進步o既人呢～！！
而且．．．佢亦都真係不負眾人所望，能夠做到阿大可以發揮o既水準～！！

雖然早期因為各種問題，以及個仔堆期又太爆關係而令我有ｄ憫啦．．．
但係睇返佢呢期o既行動及相關表現，又的確係令我覺得滿意同開心o既～！！

今晚呢次飯局．．．透過問題同分享去拎到共識，其實都係件好事～！！
最起碼唔使等到件事去到最壞地步o既時候，大家先正式去面對同解決嘛～！！

人越大．．．所得到o既快樂，往往就不及從前來得簡單同容易～！！
因為我地o既成功感同滿足感，都會隨住能力同年紀o既改變而逐漸提高～！！

朋友講左一句：小時候，快樂很簡單；長大後，簡單很快樂～！！
而呢一席話亦正正提出左我心所感同所想，或者我地o既人生就係咁奇妙啦～？！

時間過去左就永遠唔會回頭，所以我地好應該把握自己o既生命．．．
今世o既緣份冥冥中亦已有數定，來生無論愛或不愛都永遠唔會再有機會重遇～！！