＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
籌備同埋期待已久o既生日及慶回歸派對，今日終於都到左喇～！！
今年係特別盛大o既一年，因為同時慶祝個仔掛牌五周年o既時間嘛～！！

全日o既安排用左兩個月時間去準備，而今年o既主題就係『豪華版』生日～！！
我希望今年幫佢打造一個既浪漫又華麗o既慶典，且今日亦叫做如願以償啦～！！

大約兩點鐘左右，我地兩仔爺就先會合一齊搭車出去尖沙咀開始第一場．．．
以第二個全新形象登場o既佢，今日個感覺真係好靚仔同埋好新鮮呀～！！

 
一個特別o既慶祝，首場就由半島酒店o既ｈｉｇｈ－ｔｅａ開始喇．．．
而講得叫『豪華版』生日，咁當然今日所有元素都係同享受有關係啦～！！

當我地去到尖沙咀o既時候，其實個仔都仲未知道我到底有咩安排啦～？！
因為關於今日o既所有行程安排，我地一直都係將其保密同留有神秘感唷～！！

雖然個仔有不斷咁估我今次會有咩搞作，但佢始終都係估我唔到啦～？！
而當佢知道第一站就係去全港最高級o既酒店食野o既時候，個感覺真係好奇妙～！！

因為呢個嘗試又係我同佢o既第一次，同時又係佢人生中o既第一次啦～！！
我地叫左個ｓｅｔ－ｔｅａ食，全場o既感覺，氣氛同埋服務都非常唔錯嚕～！！

既然難得有一個咁o既機會，我地亦會好好咁珍惜呢ｄ浪漫時光嚕．．．
首次去到呢ｄ高級場所做訪問，同個仔傾左好多往事同埋分享左唔少感受呀～！！

 
經過左兩個多小時左右o既下午茶之後，我地就要為下一場做好準備喇．．．
我倆人生之中第一次最不平凡o既下午茶，今日終於可以一試呢種感覺喇～！！

至於食完野之後，我地就行過去天星碼頭搭船過海去下一場活動喇．．．
咁當然難得出到來呢ｄ地方，我地都會搵返ｄ景影返數張相作為留念啦～！！

從前唔太喜歡影相o既我，今日已經與從前有個大不同喇．．．
因為出席每次唔同活動o既我，都好希望可以影返ｄ相俾自己日後去回味一下～！！
特別係一ｄ好值得紀念o既日子或者場合，呢種感覺就會更加o既強烈嚕～！！
 
影相過後就真係要起程去下一站，準備出席今晚o既重頭戲活動喇．．．
首場就只有我地兩仔爺，不過下一場就會有八位家族成員會加入參與喇～！！

至於今日兩轉o既安排，都會係我同個仔人生中o既第一次啦．．．
而呢兩轉o既第一次，同時亦係屬於我倆一齊去創造同經歷o既第一次呀～！！

 
至於o係去程期間，我地亦o係渡輪上面感受返同埋回味返唔少o既曾經呀．．．
經過五年一齊o既經歷，唔少地方都留有屬於我地兩父子o既回憶啦～！！

香港個夜景真係特別o既靚，此情此景令我特別o既開心同埋感觸．．．
如果今晚陪住o係我身邊o既人唔係個仔，或者呢一切一切都唔會成為現實嚕～？！

  
至於出席是次慶典o既人，除左三妹，四妹同埋細佬泉三位副搞手之外．．．
另外仲包括為主禮嘉賓o既阿姨，同埋屈姐，大妹，秘書同埋Ａｎｇｅｌａ嚕～！！

合共十位會出席呢次活動，同時亦想藉以寓意今次個ｓｈｏｗ係十全十美啦～！！
而今晚咁多位要員，對我同個仔來講都具有莫大o既影響力同埋重要性嚕～！！
因為佢地o係阿大o既掛牌歷程上都出過唔少力，而且都係用心去關心及支持佢啦～！？

 
而今晚呢個生日派對，另外亦都同時包含其他o既意義o係入面．．．
佢可以出席今年呢個生日，完全都係因為佢可以回歸香港升讀大學啦～！！
所以選擇今年o既生日蛋糕方面，我地亦都特別揀左個有意思o既送俾佢嚕～！！

我地大家都希望佢o既學業及人生路，可以憑藉佢o既努力而得以成功～！！
所以隨後o既時間，咁多位出席o既嘉賓們都各自送上唔少祝福俾佢啦～！？

呢一段一段o既講話，真係好能夠真真正正咁打動到我個心呀．．．
我知道佢地咁多位都認同我o既努力，欣喜見證住阿大佢一路o既成長嚕～！！

一首”分分鐘需要你”伴隨住蛋糕出場之後，就到今年第五份禮物出場喇．．．
與此同時．．．我地特別為佢準備o既一張專有版生日卡亦同時為佢送上嚕～！！

 
大家全晚都好投入咁去參與，全程大家都不斷咁傾計同埋影左唔少相啦．．．
好耐都冇試過呢種咁放，咁開心同埋咁享受o既感覺，所以我都會好珍惜呢一晚～！！
吹住陣陣o既晚風同埋睇住香港街道o既夜景，呢種感覺真係令我好感動呀～！！

  
而從佢地各位向阿大講話裡面，我自己亦都有唔少o既體會同感受．．．
除此之外．．．我同仔亦都各自就此有向對方講左一ｄ心入面o既心聲啦～！！

而除左我同個仔有好深o既感受同體會之外，我相信一眾嘉賓們亦有所感．．．
縱然平日係幾咁開朗或幾咁樂天o既佢地，呢個環節都見到佢感性o既一面嚕～！！

全晚最令到大家感動o既時間，相信就係接近呢個尾聲o既時段唷．．．
透過大家彼此間對生活o既分享，正式就為今晚o既活動劃上一個圓滿o既句號嚕～！！
  
經過今晚呢一次o既聚會之後，令我更加明白同體會到一件事．．．
當我地懂得與人分享同埋肯為你所疼愛o既人去付出，其實感覺係好開心嚕～！！

今次呢個咁大型o既活動得以成功舉行，同時又為我留下一個美好o既回憶～！！
而呢點點滴滴將成為我地人生上o既歷史，我會好好咁記住呢一晚o既一切一切～！！
 
分分鐘需要你

願我會揸火箭　帶你到天空去
在太空中兩人住
活到一千歲　都一般心醉
有你在身邊多樂趣
共你雙雙對　好得戚好得意
地冧天崩當閒事
就算翻風雨　只需睇到你
似見陽光千萬里

有了你開心o的　也都稱心滿意
咸魚白菜也好好味
我與你永共聚　分分鐘需要你
你似是陽光空氣

扮靚o的皆因你　癲癲地皆因你
為你甘心作傻事
扮下猩猩叫　睇到乜都笑
有你在身邊多樂趣
若有朝失左你　花開都不美
願到荒島去長住
做個假的你　天天都相對
對木頭公仔做戲