＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

  
終於都捱到放假，而一連兩日o既假期都唔o係香港過．．．
而原定o既星期六活動計劃，就將延期至星期一正式同個仔去玩啦～！！

其實呢個短線旅行，早於個仔未落實回歸就已經計劃左啦．．．
今轉同一眾屋企人過左去澳門玩左兩日，離開左本地o既感覺確唔錯～！！

偶爾有機會咁離開下去玩返轉，其實都係一件賞心樂事啦．．．
連續兩日都係食同埋玩，心情都係近半年時間開始o既第一轉玩意啦～！！

呢次旅行除左行街同埋食野之外，我就好落力咁影左唔少相啦．．．
留低左唔少回憶俾自己，睇返ｄ相o既時候同樣可以回味返當時o既感覺嚕～！！

澳門同香港o既感覺非常唔同，佢仍然帶住唔少老舊年代o既氣息．．．
正正就係呢ｄ感覺，反而令我地更覺得呢ｄ建築別具風味同有獨特感覺呀～！！

另一方面．．．
由於星期六有車要出但我又唔o係香港，所以呢個任務就交左俾個仔啦～！！
佢正式回歸之後就有首個任務要完成，咁當然佢亦都冇令我失望啦～！！

返到香港落船之後，首個電話同樣都係個仔為先啦．．．
事關我地要傾好聽日o既安排，而佢又同我交代已完成左o既任務囉～！！