＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今日有好多事要做，真係由起身就搞到夜晚先完啦．．．
早上去左郵局搞寄野，將之前整落o既一份野寄過去俾個仔啦～！！

搞左一輪之後就返屋企食飯先，隨後就要裝身準備出門口．．．
今日約左妖人同大妹食飯，但中午就同妖人去左玩郊遊樂啦～？！

呢次遊樂其實都好頂癮，而且妖人比我還我興奮啦．．．
我地好耐都冇試過咁樣夾到假期，一齊去做呢ｄ咁頂癮o既事喇～？！

去完全程之後，我地就返入屯門會合大妹食飯啦．．．
今次我地去左置樂食野，而今日全程都傾左好多關於感情o既話題～！！

另一方面．．．
近日大家都好關心阿大o既近況，又問到佢係咪即將回歸啦～？！
當然．．．家族上已做好o既改裝各項大計，會隨佢回歸而正式開始啦～！！

至於今晚行行下街o既時候，我就突然收到一個留言啦．．．
起初我都感到奇怪，點解我完全冇ｍｉｓｓ　ｃａｌｌ都有留言啦～？！

一聽之下．．．我至知說原來係個仔打返來搵我呀～！！＝．＝”
佢留左言叫我今晚無論如何都要覆佢，因為佢想同我傾下計喎～！！

由於佢早前要應付考試o既關係，所以我地都一段時間冇傾計喇～！！
而佢前日終於完成晒所有考試，所以我地咪就趁今晚見下囉～！！

同樣地．．．今日最初打算都係玩視像見面傾計啦～！！
但係又係因為網絡問題，最終就搞到只可以用電腦對話啦～！！＝．＝”

今日一傾都傾左好耐呀，因為呢期發生o既事都接近講晒嘛．．．
而且又要同佢提下個未來大計，返來之後要做同埋會補做o既野啦～！！

至於『重點培訓』呢個大計，就的確需要好多方面去配合啦．．．
我地預計於三年內需完成各項目訓練，同時亦要提升佢o既技巧同能力～！！
當然有一部份都係唔少得o既，就係生活化元素o既野啦～！！

正經o既野要做之餘，玩樂大計亦係計劃之內o既事啦．．．
咁當然佢回歸後亦有好多事想做，而且又要做返佢o既承諾呢～？！＞＜”

咁大型o既Ｐｒｏｊｅｃｔ要行，相信佢係會有一定o既壓力．．．
但我地並唔希望佢就此有壓力，而係吸收到幾多就盡量去吸收嚕～！！