＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
接近五日o既時間冇聽過個仔把聲．．．真係好唔慣呀～！！
平日兩三日都冇聽過已經唔慣，更何況係宜家咁呢～？！

呢排心情真係爆差，完全咁陷入低沉同火爆o既情緒～！！
好多人同我講野，我都可以接近冇反應或者係唔耐煩囉～！！

不過今日下午，個仔竟然打長途返來同我傾左一陣呀～！！
我終於都聽到佢把聲喇，真係覺得好幸福、開心同埋感動呀～！！

最初見到部手機響o個陣，都有ｄ覺得個來電號碼係好似識咁～？！
一聽之下．．．個仔問我：係咪好ｓｕｒｐｒｉｓｅ呢～？！
呢一刻o既我都完全唔識俾反應，跟住冇耐就知道原來係寶貝仔喇～！！^.^

相信所有人都知道．．．阿大講一句；好過佢地講一百句～！！
從呢一件事再一次證明，阿大o係我心目心真係非常重要同埋唔同地位～！！

佢打返來除左問我近況之外，仲有就講左ｄ佢o既生活事我知．．．
佢o係o個邊原來係冇冷氣嫁，所以佢就只可以開風扇吹咋～！！

最搞笑o既．．．就係把風扇竟然要個仔自己落手落腳去砌呀～！！
佢話親手成功搞掂左把風扇之後，真係別具一番成功感唷～！！

同時又聽佢講下開學前準備，知道佢去買書同返學o既情況．．．
原來佢係唔需要著校服返學嫁，至於買書方面就已經七七八八喇～！！

希望今年高考放榜時，可以有好消息俾到佢啦．．．
咁樣佢就可以快ｄ返來香港，等我唔駛咁日掛夜掛啦～！！

佢走左都接近有一個星期o既時間，我都未曾有過呢種感覺．．．
我諗o係全個星期之中．．．我心情最好，都不失為呢個時間喇～！！^.^