＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
原定尋晚有個飯局，但因為家姐甩底而取消左．．．
至於我同個仔尋晚就傾左一排電話，講左好多心底說話呀～！！

五年來o既感情除左相處之外，另一重點就係講溝通～！！
可以相對o既時間已經越來越少，所以我地都會珍惜宜家o既時間嚕～！！

至於今日．．．就正正式式係佢最後一個臨別前活動喇～！！
距離佢要離開o既時間越來越近，心情就越係覺得亂嚕～！！

其實今日原定o既活動係海洋公園之行．．．
不過日前收到個仔通知，今日早上有事而令活動需要作出調整～！！

最後呢個活動需要無法如願，但我都選擇左開心面對．．．
至於今日活動之行，就改至下午時間先開始由屯門出發喇～！！

大約３：３０ｐｍ左右，我地就會合埋一齊搭９６０出去喇～！！
首站我先帶左個仔去左飲野，咁當然呢間餐廳唔係一般餐廳咁簡單啦～？！

我地去左中環附近一間starbucks到食左個下午茶．．．
呢到ｄ野食同裝修同一般o既都有所唔同，所以我先決定帶佢去下嚕～！！

食野期間就回顧一下過去o既點滴，當然係別有一番感覺啦．．．
期後．．．我就為佢準備左第二個新意兼少少o既驚喜喇～！！

由於今日活動時間有限，所以我都要臨時改變行程計劃．．．
咁當然都希望盡力為佢製造驚喜，令佢可以留低多ｄ開心回憶啦～！！

至於呢轉時間，我地就去左搭一程開蓬巴士遊喇．．．
由於部車係行經銅鑼灣，所以我地可以搭到附近先落車嚕～！！

隨後會合齊晒所有人，就正式開始今晚個飯局喇．．．
至於原定揀左去食扒o既安排，最終就變左去食日本放題呀～！！

而今晚出席活動o既人，除左我同阿大之外．．．
另外仲包括阿姨，姨丈，大妹同埋Ｒａｙｍｏｎｄ一共六個人嚕～！！

飯局開始之後，大家都不忘咁互相講下近況同傾下唔同野啦～！！
咁當然呢餐飯o既主力關注要點，當然就係主角－阿大啦～！！

最後一次飯局，大家都對佢有好多祝願同俾左提點．．．
大家都係希望佢可以開心面對未來，同埋返來之後繼續一齊去玩～！！

我知道個仔o係一次又一次o既飯局之後，其實有更多o既唔捨得．．．
唉唉～而我呢個做老豆o既，又何嘗唔係有呢種感覺呢～？！

至於o係食飯期間，我同大妹就曾經行開左一陣嫁．．．
原因．．．係因為個妹陪左我去買份特別禮物送俾個仔嘛～！！

呢份禮物真係好頂癮，而且仲係我首次送出去俾人．．．
不過我曾經同個仔講過，為佢．．．我點都會做到底嫁～！！

到飯局正式完左之後，大家就正式向阿大道別及各自散場喇～！！
咁當然個仔就係跟我啦，而我地最終都係揀左一個美好回程計劃～！！

自上次搭過電車同渡輪之後，我知道個仔其實係幾鍾意嫁．．．
所以我地今晚就揀返呢個做法埋尾，同時份禮物亦於呢個時間送出～！！

個仔未睇份野之前，其實我係俾左ｄ貼士叫佢估下先嫁～？！
但到最後．．．佢始終都係唔估到而選擇去睇而知道個答案嚕～！！

最後心聲．．．我地都已經唔知仲可以講ｄ咩喇～！！
我地兩仔爺最大心願，都係希望縱使彼此間分開左亦要開心生活嚕～！！

而我地最後一次見面，已定左o係年三十晚時間．．．
至於個仔亦已預告，佢返來之後會為我送上兩個佢為我準備o既驚喜～！！

 一直看見天使

你說惡運還沒有完
時時跟妖魔鬼怪擦肩
你說你雙眼從來清晰可見
亂世處處　太多咒怨

若世間逐漸陷落　你早已看穿
你這部通書　只叫人　心更亂
現在就　講講我一出世　沿途所見

回頭常發現　小天使永遠在我身邊
看守我至我　無恙安眠
人有苦與甜　學欣賞他好的那邊

原來人背面　不只有怪獸　力壓你雙肩
都總有天使　長伴跟前　圓你幾個願
在紛紛擾擾　花花世界　等不悲觀者看見

就算出道後路上　間中有破損
我記住只得所有人的美善
現在若講起　有些相距甚遠　說說也覺得溫暖

回頭常發現　小天使永遠在我身邊
看守我至我　無恙安眠
人有苦與甜　學欣賞他好的那邊

原來人背面　不只有怪獸　力壓你雙肩
都總有天使　長伴跟前　圓你幾個願
在紛紛擾擾　花花世界　等不悲觀者看見

若是你願　你亦能在　日常閒事中看見

回頭才發現　小天使已靠在你身邊
看守你愛你　逾十週年
陪你出發前　預先收好星星碎片
留待你發現　這黑暗世界鍍上了金邊
不只有妖怪　埋伏窗前如你許個願

或者他聽到　偷偷替你　穿針牽了線