＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
阿大即將離開，所以近日都有飯局開始出現．．．
仲有大約兩個星期時間，我地就要同佢暫別一段時間喇～！！

佢未走之前呢段時間，好多掛牌成員都話想約佢食下飯．．．
而今晚就係首場飯局之時，而今次出席o既人就係世俊喇～！！

原本細佬泉都話會出席，所以相應安排左同一場嫁．．．
但係佢因家有要事要臨時缺席，所以人數方面先有所調整咋～？！

我收工之後就會合埋個仔，一齊搭車落市中心啦．．．
至於另一方面o既世俊，就自行搭車過去會合我地喇～！！

而o係世俊未到場之前，我同個仔已經傾左一排野啦．．．
當然佢又陪左我去交電話費，以及買左Ｊｏｅｙ隻新碟俾我啦～！！

另一方面．．．個仔今日有條新褲出場～！！
當然見到呢ｄ情況呢，我都唔會放棄機會試下叫個仔買條俾我嚕～？！
個仔聽完我講之後，佢都話如果我喜歡就會買來哄下我呀～！！^.^

期後，我地o係附近到行左個圈就返過去會合世俊喇．．．
今晚同佢地兩位都傾左好多話題，特別o係『愛情』問題上最多研究～！！

睇返今晚全個對話，我發覺佢地o既睇法都有好多相同喎．．．
但係當然佢地o既部份答案亦係我預期之內，至於其他意見亦見有用～！！

除左阿大之外，我發覺世俊o既改變亦越來越多啦．．．
無疑佢地係兩種唔同世界o既人，但係呢種感覺反而令我體會更多～！！

我同阿大o既關係當然就不用置疑，同時世俊亦俾到我一個新o既睇法～！！
經過唔同角度去訓練o既佢地，其實得到o既野可能真係會大不同嚕～！！

至於尾聲呢幾次見面，我相信大家都會對個仔有好多祝願．．．
同時亦會俾更多唔同o既提點佢，希望o係佢日後o既路可以有幫助嘛～！！