＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今早個電話有ｄ唔妥，最後搞到要拎出去整．．．
最初都以為佢只係開唔到，點知試左一排都仍然唔得～！！

最後，我就決定下午拎假出去旺角整機啦～！！
由於我身上冇機關係，所以我就即刻打俾阿大求救囉～！！

於我放工之前，個仔已經來到公司等我喇．．．
之後我就要先返屋企拎單，隨後就搭車出去旺角喇～！！

出到去之後，我地首要就係去左食晏啦．．．
而車程同埋食飯期間，我地都集中去傾下『愛情同相處』問題～！！

原來．．．我地兩個大男孩對愛情o既觀感都大致相同唷～！！
至於對於愛情o既進一步之行動，我地今日都有談論過唔少呀～！！

到食完晏之後，我地就要去ＳＥ服務中心整機啦．．．
由於要等機關係，所以我地就o係附近同過左朗豪坊行左一陣～！！

而行街街期間，我地o既話題就轉戰傾買衫同衣著喇～！！
現階段我地可以做o既都只係計劃，至於行動始終就等佢返來先嚕～！？

另一方面．．．佢要添置定出國o既野，亦已經準備得七七八八啦～！！
所以現階段佢想要或想買o既野，都可以話係暫告一段落喇～！！

行完一輪街之後，我地就返上去拎返部手機喇．．．
搞完晒今日ｄ野之後，最後交代及初二日之安排亦已傾好晒嚕～！！

至於回程．．．個仔就竟然陪我搭５８Ｘ喎．．．
由於佢要去美孚開工關係，所以佢就要o係呢到同我分開喇～！！