＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今日見完醫生，同時間報告亦都已經出左．．．
上個星期已經病左一次，估唔到今日又再一次請病假～！！

生活壓力真係會令人爆煲，所以都要適當咁處理～！！
面對人生好多不快事，最重要o既係身邊有支持同關心你o既人～！！

呢件事我都唔想攸太多人知，所以暫時都冇講到．．．
而我就只係俾阿大知道晒成件事，而掛牌成員亦都係最知心o既先知～！！

阿大一直都好關心自己，同時亦都好支持自己．．．
我知道呢段時間裡面，佢一定會盡力去陪我同埋幫我解決問題嚕～！！

由於睇完醫生之後就放病假，而且個仔又打來問我結果．．．
所以我下午就同左個仔出去市中心，去完成佢要完成o既所有事啦～！！

我地先去食左個Ｍ記，之後就傾左今日ｄ野一輪先離開．．．
期後我就陪佢去改返隻錶，之後就再過置樂買埋遮、襪同其他野啦～！！
同個仔出去行完一輪；又可以同佢傾下計，的確可以令我放鬆好多嚕～！！

有佢一直陪住我；而且亦感受到佢好關心我．．．
其實個心真係好感動同埋開心，不過日後o既路始終都要靠我自己～？！

呢半年時間裡面，好可能會有掛牌成員接捧幫下我．．．
不過心入面o個種好深o既感受，始終都係會有所差別嫁～！！

至於今日下午，其實我地都傾左好多野嫁喇．．．
除左要同個仔交代晒件事之外，同時都俾定ｄ心理準備佢啦～！！
因為．．．連我自己都唔知，我幾時會突發事情發生嚕～！！