＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
一如以往，新年一開始而首個會見o既人又係阿大．．．
見埋今個月之後，就要等最少半年時間先可以再次見面喇～！！

新一年開始冇耐，但係我情緒方面就已經開始出現問題～！！
好多畫面浮現o係個腦入面，呢堆屬於我同阿大o既回憶偏令我感傷～！！

家族上好多成員都預期到我會咁，而我自己亦同樣預左會咁～！！
個仔都未正式上機離開我就已經呢個程度，我都好難想像之後會點～？！

早前先後同阿姨及大妹傾過．．．
佢地都係睇住我同阿大一齊經歷過所有o既人，所以佢地都好清楚我～！！
佢地也好；阿大也好．．．佢地都俾左好多正面o既建議我去面對～！！

佢要離開香港去外國讀書，呢個已經係鐵一般o既事實．．．
縱然幾唔想去面對o既我或者阿大，始終都要去適應同面對呢個改變～！！
而呢次o既分開．．．將會係我同阿大第一個重大o既考驗～！！

好多o既冀盼；好多o既擔憂．．．已經陸續出現～！！
彼此間都對對方有祝願，希望對方可以過得開心同埋盡早適應此改變～！！

一連兩日o既情緒都陷入谷底，唯有佢可以令我平靜到．．．
所以今日好突然咁，同個仔有一次會面同埋傾左一排計囉～！！

距離佢走o既日子越近，我o既情緒就越係波動．．．
身邊o既一切一切都好似已經變得唔重要，我只係想盡量見多ｄ佢～！！

我知道個仔都有好多放唔低，所以佢都叮囑我要過得開心．．．
佢唔o係香港o既呢段時間，盡量去搵野學；又或者搵ｄ野令自己開心～！！

情感上o既我．．．已經遠遠超越左平日一個好理智同冷靜o既我喇～！！
可以冷靜面對過去三次不快o既結局，但到左佢就竟然令我陷入崩潰狀態～！？

我都知道．．．我已經適應左佢o既存在；依賴左佢存在於我生活之中～！！
經過五年時間，我地都係一齊去解決同面對眾多o既困局同挑戰～！！
所以．．．我真係有無數o既唔捨得同唔願意接受呢個事實～！！

未來o既日子裡面，仲有好多我地都預計唔到o既變數．．．
但係我地心入面都好希望同相信，我地都係一樣可以經得起呢次考驗～！！
 
命運之鑰

給過的每一吻 放開後別過問 誰不忿
鎖上那愛的所有眼淚印
難道世上並沒男人 最終不變心
感激有著無窮運氣最後能遇到了你
假若你樂意 每一天鬥氣 完全沒顧忌

能愛就愛 今天鎖起他的錯愛
被你擁抱在懷內 明日有誰
能借出一分鐘替往事致衰
找遍幾多辛酸幾多痛愛
才願放膽一次戀愛
門匙贈你唯一的愛

一抱緊無需刻意再驗證
從未畏懼站在浮冰去欣賞美景
幾經挫敗才能遇上吻著你絕不勉強
不用太在意愛彷彿信仰 投入便漂亮

能愛就愛 今天鎖起他的錯愛
被你擁抱在懷內 明日有誰
能借出一分鐘替往事致衰
找遍幾多辛酸幾多痛愛
才願放膽一次戀愛
門匙贈你唯一的愛

幾多熱吻 能持續半生
也許只得我還去 一生一世著緊　
難逃避命運 我到底不過是個人
統統不理 今天開始只需要你
就算相擁到分離
忘掉以前 曾跌得多麼傷我也未怕死
不怕風沙紛飛 即使斷氣
冇辦法阻擋我親你
完全沒法 停止想你
鎖於靈魂裏 是你