＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今日中午屋企冇飯開，所以就約左阿大陪我食晏喇．．．
今次見面時間非常之短，只係有大約一個鐘頭左右咋～！！

我地約左o係屯醫地下食野，同時就傾下計啦．．．
個仔已經考晒所有要考o既試，包括車牌同英文都已經過左關～！！

好快又來到年尾時間，而下個月就係聖誕節啦．．．
同時呢年亦係阿大走之前o既最後一個大節，所以我地已經有左計劃～！！
我地暫已計劃平安夜同除夕夜都搞活動，當係幫阿大搞歡送嚕～！！

至於今日見面，講到o既野真係唔多呀．．．
所以我地都只係抽重點去講，同時個仔又同我呻下ｄ心事啦～！！

明白到做人係好無奈，人生或者有好多包袱要背負住．．．
今日o既佢未必係好成熟，但係佢比起同年o既人已經係比較卓越～！！
我相信將來o既人生經驗多左之後，佢自然就會改變佢o既人生觀嚕～！！

或者到左２０１０年，又係一個全新開始啦．．．
人生之中過o既每一日，都存在住好多好多不可預計o既變數～！！
越來越覺得．．．做人真係要學識珍惜時間同身邊人呀～！！