＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

  
雖然已經唔係第一次，但係心情仍然係好興奮囉．．．
今晚再一次同阿大去左睇演唱會，而且仲係一次睇兩個歌手～！！

呢場音樂會只得一場，而且仲係好難先可以搵到門票．．．
由於阿大早前講過想再去睇演唱會，所以我就諗盡辦法幫佢實現～！！

我地今次係去睇”Ｅａｓｏｎ　ｘ　Ｊｏｅｙ拉闊音樂會”呀～！！
之前睇過演唱會都已經估到現場氣氛會係點，但當然今次就更加勁啦～！！

兩個紅歌手一齊開ｓｈｏｗ，當然係有好多捧場客啦．．．
全晚全場o既氣氛都好熱烈，感覺同埋歌星o既唱功都非常之好嚕～！！

佢地全晚所唱o既歌，我地都算係識得唔少啦．．．
快歌同慢歌參半，咁當然睇音樂會最重要o既就梗係現場氣氛啦～！！
特別係唱到快歌部份，全場絕大部份o既人都起晒身一齊玩～！！

而呢個組合o既表演，其實都係我一直所期待o既．．．
所以我都睇得好開心同享受，至於阿大就梗係睇得好興奮啦～！！

話說回頭．．．
由於今日我要返工，所以阿大就要同我夾好時間過來等我收工～！！
大約５：４５ｐｍ左右，我就即刻收工搭車趕出灣仔喇～！！

回憶返上次一齊睇演唱會，同今次並冇分別．．．
由於我地實在太趕時間，所以今次都係好匆忙咁去買Ｍ記食～！！

買完之後，我地就行左過去海傍坐低對住個海景食野．．．
呢種情景都係我地o既第一次，同時我地都覺得呢個感覺幾特別嚕～！！

一望之下，我地再次覺得香港夜景真係好靚呀．．．
同時，呢個情景亦令我地回憶返起上次阿大生日間餐廳個景唷～！！

另一方面．．．
是次來回程o既車程間，我地都傾左好多唔同o既野呀～！！
從生活談到人生道理，當中亦都憶起返唔少從前o既往事啦～？！

呢一堆一堆o既點點滴滴，成為左我地o既回憶．．．
到數年之後回望返呢ｄ經歷，唔知到時又會有種咩感覺呢～？！