＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
大哥終於都放完假，而且返左來亦已有一個星期喇．．．
但係．．．我對佢o既回歸，好似已經變得唔知道點去適應呀～！！

外界對佢o既評價聽到好多；而親身同佢o既經歷亦都唔少．．．
我開始對佢有一種質疑o既感覺，所以呢幾日對佢o既態度亦都有變～！！

呢幾日時間，我先後都有同佢及Ｃａｎｄｙ傾過下計．．．
不過可以維持o既時間唔長，甚至我連要講ｄ咩野都完全唔知嚕～！？

到底．．．我宜家應該用咩心態去面對佢至好～？！
我知道佢遲早都要離開，咁我又係咪應該早ｄ適應呢種生活呢～？！

今日返工o既感覺，的確令到我覺得好討厭囉．．．
由佢放假開始至今，我手頭上要跟o既野真係多到想喊呀～！！
我自己ｄ野都已經清唔切，但係我又成日要左替右替ｄ同事嚕～！！

忍到今時今日．．．我終於都頂唔順要發爛喇～！！＞＜”
返左呢個部門咁耐時間，我從來都未試過有咁樣o既表現嫁～！！

下午時間除左多野要清之外，我仲無啦啦俾大哥捉左去開會．．．
但係班同事只係識叫我做野，重來都冇體諒過我o既立場同問題嚕～！！

同時就係呢個時間，我知道大哥收到個電話要去見工．．．
我已經唔知道眼前o既佢，到底仲係咪我所認識o既大哥喇～！！

或者就係知道o既野越多，就越多問題要我去重新定位．．．
一次又一次o既打擊，令到我已經唔知道邊個仲可以相信呀～？！
我已經開始覺得，我地呢個鐵三角關係已經慢慢變緊質喇～！！

另一方面．．．
我今日趕完晒ｄ野收工之際，大哥就話車埋我走．．．
同時．．．我趁呢個時間，同佢一次過講晒我要講o既野囉～！！
講真啦．．．我真係好耐都冇試過，好似今日有種咁火爆o既感覺呀～！！

至於收工之後，我就約左阿大見一見面．．．
我要見得個仔咁急，阿大自己本身都估到有事發生到我頂唔順喇～！！
而o係我地見面期間，都先後講到好多野及提到唔少問題嚕～！！

除左同佢呻左ｄ問題之外，佢亦都已經同我報喜．．．
佢話希望我今年生日可以過得開心，而且佢亦會俾驚喜我喎～！？
 
換個方式愛你

沒有驚天動地
沒有掌聲讚美
前路遙遠沒空氣
仍期望到最後會一起
直到冰天雪地
亦會開遍薔薇
無望完美
回頭或有驚喜

傳說愛會成就勇氣
飛出去世界更旖旎
行李載滿懷念幾重
總相信我會拿得起
曾抱過你然後兩臂
將一世記掛這滋味
請愛惜 愛惜你自己

若隔開天共地
換個方式愛你
停住時間或空氣
原來合上眼就會一起
做最好的夢寐
預最傷的結尾
長夜流過
從頭在記憶中 碰上你

若隔開天共地
換個方式愛你
停住時間或空氣
原來合上眼就會一起
做最好的夢寐
預最傷的結尾
從未忘記
從前在記憶中 吻過你