＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
原本諗住大哥上午唔返，所以都打算慢慢做野．．．
不過唔知點解佢取消晒今日所有安排，全日留返o係公司做野喎～！！

上午時間，我同佢都完全冇講過任何野呀．．．
但係中午食飯時間，佢就無啦啦捉左我同佢出去食Ｍ記喎～！！^.^

呢次係我同佢o既第一次，亦係佢第一次約同事咁做．．．
咁當然我地一齊食飯，就所有八卦野同身邊o既事都會傾啦～！！

佢話．．．佢好鍾意同ｄ簡單o既人傾野～！！
因為對住呢種人講野係唔需要去防備，同時佢又講到佢好信我嚕～！！

其實今日餐飯都來得幾突然嫁．．．
由於我早前知道佢已經約左人食飯，所以我根本冇諗過會咁嫁～！！
但到我離開公司之時，佢就跟住我出門口兼捉左我去廁所吹左陣先～！！

期後．．．佢就話突然想去食Ｍ記，於是我地就決定去喇～！！
哈哈～講真啦．．．我聽到之後o既反應就係覺得奇怪呀～！！

食完飯之後，我地就各自各埋位做野喇．．．
不過過左一段時間之後，我又入左去佢房到傾計同玩喇～！！

我唔知點解，大哥好似成日都好緊張我拍拖o既事囉～？！
因為今日下午時間，我地傾o既野主要都係講拍拖同生活上o既事～！！

好多生活上o既細節，我地都會傾到．．．
而我地同時亦從呢ｄ相處機會裡面，增加對對方o既了解唷～！！