＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今日係星期一，所以又係一個星期o既開始喇．．．
放完假又要返工當然覺得好討厭，不過有大哥陪住就唔同講法喇～！！

今日用左半日時間都係同佢傾計同玩．．．
睇住佢同其他人講電話，之後佢又爆返晒所有內容俾我聽喎～！！

好多事情知得太多，其實都唔係咁好嫁．．．
而呢排亦已經傳出好多地震同換人o既新聞，聽完都覺得煩死呀～？！

我知道大哥要走o既決心已定，不過現階段可以開心就盡量開心啦～！！
而今日下午就用左約一個鐘時間，幫佢重新執過晒房ｄ野啦～！！

當然我地兩兄弟一路玩，就一路幫佢搞房間重組啦．．．
搞完晒ｄ野之後，我地就開始睇睇同研究我今年份ＳＤＲ喇～！！

遇到有不滿o既地方，我當然就叫大哥幫我改左佢啦．．．
改完晒份野之後，我地又轉戰傾下其他八卦野同埋班同事嚕～！！

講到七七八八之後，佢就交左佢個櫃條匙俾我喎．．．
佢話呢條匙只得我地兩個人有，而佢交俾我o既主因係方便我做野～！！

搞到６ｐｍ左右，諗住今日要發生o既事都應該告一段落啦．．．
不過我點都估唔到，佢突然叫我拎野俾佢兼車埋我收工添咋～！！