＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

自Ｃａｎｄｙ介紹左個女同事俾我識之後．．．
近期我地o既往來就成為大家o既話題，而我亦同時做左緋聞主角喇～！！

事因係個女同事要補考ＣＥ而透過Ｃａｎｄｙ識左我．．．
隨後因為佢有搵我幫佢溫下習，所以我地o既接觸就開始多左啦～！！

點都估唔到，因為咁就搞到我地都做左新聞主角囉．．．
我同班同事玩到慣晒就梗係唔怕啦，但係女方或者會有所尷尬嚕～！！

前期由我地有接觸開始，佢地已經係咁傳我地有機會發展嫁喇．．．
之後更加開始有同事問我，我同佢有冇機會進一步發展落去添呀～？！

講到有冇機會發展呢個問題，我都唔識點答喇．．．
除左俾人成日玩之外，另外就係似做左明星咁成日俾人訪問～？！

除左身邊一班比較熟o既同事之外，今日就連大哥都玩埋一份添～！？
最無奈o既係．．．佢一開波玩野，跟手班好同事就跟埋一齊玩嚕～！！

原本我諗住截住佢，又試過打去叫Ｃａｎｄｙ唔好陪佢癲嫁．．．
但係點知已經為時而晚，佢已經走左去見呢位女同事喇～！！

其實大哥有咁o既衝動，我事前係完全唔知道嫁．．．
我地兩兄弟同Ｃａｎｄｙ都玩得，呢個就已經係眾所周知嫁喇～！！
而且我地之間又會乜都傾，所以彼此間o既秘密亦唔算多唷～！！

由於我地兩兄弟近日多左接觸，而且又乜都講o既關係．．．
所以我亦有同大哥提及過呢件事，但我唔覺得佢會對呢件事咁上心～！！

再者我真係估都估唔到佢會咁激，係都要見下個女同事係咩樣囉．．．
期後佢走返上來玩左我一陣之後，我就陸續俾其他同事玩喇～！！

雖然我有提過，但我亦估唔到佢真係走去同Ｃａｎｄｙ傾喎．．．
而且仲對呢個同事及呢件事咁感興趣，仲拎我來玩左一餐添～！！

唉唉～無奈之下，我當然有搵過Ｃａｎｄｙ講啦．．．
但點知佢同大哥仲講左更多其他野，而且佢地睇法仲好一致添囉～？！

之後我問返Ｃａｎｄｙ，究竟大哥有冇搞出咩事．．．
佢話大哥都玩得好激下，而且話我地兩兄弟搞到人地好尷尬～？！

收工之後，我都有打過俾位女同事問過下．．．
話晒佢俾大哥咁樣嚇一嚇，我都怕會因為呢件事而搞到朋友都做唔到～？！

我心知佢地成日想谷我開始，又同我講感情可以慢慢培養喎．．．
所以我真係俾大哥同埋Ｃａｎｄｙ佢地激死同玩死呀～！！

知道有好多人都關心自己，當然係覺得好開心啦．．．
不過呢種感覺，就令我感到好似有種返左去做新人o既年代咁～！！